Rape case in Nazira : নাজিৰাত 16 বছৰীয়া কিশোৰীক ধৰ্ষণ

আমগুৰি, ১৯ ফেব্ৰুৱাৰী : ৰাজ্যত উদ্বেগজনকভাৱে বৃদ্ধি পাইছে অপৰাধজনিত ঘটনা ৷ নিতৌ সংবাদ মাধ্যমৰ শিৰোনাম দখল কৰিছে ধৰ্ষণ, অপহৰণ, হত্যাৰ দৰে জঘন্য ঘটনাই । পুনৰ এক মানৱতাক ভূ-লুণ্ঠিত কৰাৰ ঘটনা পোহৰলৈ আহিছে (Rape case in Nazira) ৷ শিৱসাগৰ জিলাৰ নাজিৰাত ধৰ্ষণৰ চিকাৰ হৈছে ফুলকুমলীয়া কিশোৰী । 

নাজিৰা গেলেকীৰ আঠখেল বাগিচাৰ এগৰাকী ১৬ বছৰীয়া কিশোৰীক ধৰ্ষণৰ চেষ্টা চলোৱাৰ গুৰুতৰ অভিযোগ উত্থাপিত হৈছে, যিয়ে ব্যাপক প্ৰতিক্ৰিয়াৰ সৃষ্টি কৰিছে অঞ্চলটোত । ঘটনাত অভিযুক্ত হৈছে আঠখেল বাগিচাৰ অজয় চাহু নামৰ যুৱকজন (16 years old girl raped in Nazira) ৷ 

ঘটনাৰ বিৱৰণী মতে, কিশোৰীগৰাকীয়ে শনিবাৰে সন্ধিয়া ৭ মান বজাত দোকানলৈ বুলি ঘৰৰ পৰা ওলাই যাওঁতে ঘৰৰ সমুখতে লগ পায় অজয় চাহুক ৷ অজয় চাহুৱে কিশোৰীগৰাকীক তাৰ লগতে যাব পাৰিব বুলি কৈ নিজৰ মটৰ চাইকেলত দোকানলৈ নিম বুলি কৈ সমীপৱৰ্তী বাগানৰ মাজলৈ লৈ যায় । বাগানতে কিশোৰী গৰাকীৰ সৈতে যুৱকজনে অসৎ চৰিত্ৰ পুৰুষাৰ্থ কৰিবলৈ চেষ্টা কৰা হৈছিল বুলি অভিযোগ উত্থাপন কৰিছে কিশোৰী গৰাকীয়ে ।

এই সমগ্ৰ ঘটনাটো সন্দৰ্ভত কিশোৰী গৰাকীয়ে পিতৃ মাতৃক অৱগত কৰে আৰু লগে লগে পৰিয়ালৰ লোকে লম্পট অজয় চাহুৰ বিৰুদ্ধে গেলেকী আৰক্ষী থানাত এখন এজাহাৰ দাখিল কৰে । অভিযোগ লাভ কৰাৰ পিচতেই গেলেকী আৰক্ষী থানাই তৎপৰতাৰে পদক্ষেপ গ্ৰহণ কৰে আৰু ভাৰপ্ৰাপ্ত বিষয়া অভিজিৎ কোঁৱৰৰ নেতৃত্বত এটা আৰক্ষীৰ দলে অজয় চাহুক বিচাৰি অভিযান আৰম্ভ কৰে ।  

এই কথা সম্পৰ্কে অৰ্থাৎ আৰক্ষীয়ে অজয় চাহুক বিচাৰি থকাৰ বিষয়ে অৱগত হোৱাৰ পিচতে লম্পট অজয় চাহু পলাবলৈ চেষ্টা কৰে যদিও গেলেকী আৰক্ষী থানাৰ ভাৰপ্ৰাপ্ত বিষয়া অভিজিৎ কোঁৱৰে বিশেষ সূত্ৰৰ পম খেদি লম্পট অজয় চাহুক গ্ৰেপ্তাৰ কৰিবলৈ সক্ষম হয় । ইতিমধ্যে আৰক্ষীয়ে কেচ নম্বৰ ১২/২০২৩ under section 373(3)IPC R/W section 6 of pocso আইনৰ অধীনত জেল হাজোতলৈ প্ৰেৰণ কৰিছে অভিযুক্তগৰাকীক ।

লগতে পঢ়ক : Husband cheated by wife: অনলাইনত পছন্দ কৰি পাতিলে বিয়া; জনা নাছিল কইনা যে কুখ্যাত গাড়ী চোৰৰ পত্নী