Suspected murder case: ৰহস্য়জনকভাৱে এজন লোকৰ মৃত্যু, পত্নীলৈ সন্দেহৰ আঙুলি

গোলাঘাট, 14 নৱেম্বৰ : ৰাজ্যজুৰি দীপাৱলীৰ উলহ মালহৰ মাজতেই এইবাৰ গোলাঘাট জিলাৰ মৰঙী মৌজাৰ অন্তৰ্গত 1 নং উল্টাজানত ৰহস্যজনক হত্যাকাণ্ডৰ ঘটনা পোহৰলৈ আহিছে ৷ পত্নী আৰু পত্নীৰ পৰিয়ালৰ লোকে এজন লোকক হত্যা কৰি চোঁচৰাই আনি পেলাই থৈ যোৱাৰ গুৰুতৰ অভিযোগ উত্থাপন কৰিছে মৃত লোকজনৰ পৰিয়ালে ৷ মৃত লোকজন বিৰ্চা উৰাং বুলি জানিব পৰা গৈছে।

জানিব পৰা অনুসৰি লোকজনে প্ৰায়েই পত্নীৰ সৈতে কাজিয়াত লিপ্ত হৈছিল ৷ সেয়েহে পত্নীসহ পত্নীৰ পৰিয়ালে পৰিকল্পনা কৰি এনেদৰে লোকজনক হত্যা কৰে বুলি গুৰুতৰ অভিযোগ উত্থাপন কৰে বিৰ্চাৰ আত্মীয়ই ৷ দীপাৱলীৰ দিনা পত্নী আৰু সন্তানলৈ বুলি মিঠাই লৈ গৈছিল লোকজনে ৷ তাৰ পিচতে মঙলবাৰে পুৱাই লোকজনৰ মৃতদেহ ৰহস্যজনকভাৱে উদ্ধাৰ কৰা হয় ৷ বৰ্তমান ঘটনাস্থলীত বগীজান আৰক্ষী উপস্থিত হৈ তদন্ত অব্যাহত ৰাখিছে।

লগতে পঢ়ক: Girl body found: নিজ কোঠাত ৰহস্যজনক মৃত্যু যুৱতীৰ; প্ৰেমিক অন্তৰ্ধান