Suspected Death: চিপ লৈ থকা অৱস্থাত উদ্ধাৰ যুৱকৰ মৃতদেহ

নলবাৰী, 12 অক্টোবৰ : নলবাৰীৰ দলবাৰী কনিহাত এগৰাকী লোকৰ মৃত্যুক লৈ তীব্ৰ চাঞ্চল্যৰ সৃষ্টি হৈছে । নলবাৰী জিলাৰ ঘগ্ৰাপাৰৰ থানাৰ অন্তৰ্গত তাচেৰ আলী নামৰ লোকজনৰ জিলাখনৰ দলবৰী কনিহাত উদ্ধাৰ হয় ৷ পূৰ্বে ধমধমাৰ স্থায়ী বাসিন্দা আছিল তাচেৰ আলী । তাচেৰ আলীয়ে বিবাহ কৰাৰ পিচৰে পৰা ধমধমাতেই থাকিবলৈ লৈছিল । 

বৃহস্পতিবাৰে চিপ লৈ থকা অৱস্থাত উদ্ধাৰ কৰা হৈছে তিনি সন্তানৰ পিতৃ তাচেৰ আলীৰ মৃতদেহ ৷ লোকজনক কোনো লোকে হত্যা কৰি ওলোমাই থোৱাৰ সন্দেহ ব্যক্ত কৰিছে পৰিয়ালৰ লোকে । পৰিয়ালৰ লোকে লগে লগে আৰক্ষীক খবৰ দিয়াত ঘটনাস্থলীত ঘগ্ৰাপাৰ আৰক্ষী থানাৰ লগতে ঘগ্ৰাপাৰ ৰাজহ চক্ৰৰ চক্ৰ বিষয়া মণীষা কলিতা উপস্থিত হয় । আৰক্ষীয়ে মৃতদেহটো সম্প্ৰতি উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে ৷

লগতে পঢ়ক: Drugs paddler arrested: খানাপাৰাত ড্ৰাগছসহ আটক দুই সৰবৰাহকাৰী