Heavy Storm in Jonai: প্ৰচণ্ড ধুমুহাই তচনচ কৰিলে জোনাইৰ এখন‌ চৰকাৰী বিদ্যালয়

জোনাই, 30 জুন: শুকুৰবাৰে পুৱতি নিশা হঠাৎ অহা এজাক প্ৰচণ্ড ধুমুহাই তচনচ কৰে জোনাইৰ এখন‌ চৰকাৰী বিদ্যালয় ৷ জানিব পৰামতে শুকুৰবাৰে পুৱতি নিশা হঠাৎ অহা প্ৰচণ্ড ধুমুহাত এজোপা প্ৰকাণ্ড গছ উভালি পৰাত জোনাইৰ 2 নং চিৰাম পুৰীয়া প্ৰাথমিক বিদ্যালয়খনৰ যথেষ্ট ক্ষতিসাধন হয় ৷  

গছজোপা উভালি পৰাত বিদ্যালয়খন ভাঙি যোৱাত বিদ্যালয়খনৰ ভিতৰত থকা কিছু প্ৰয়োজনীয় নথি-পত্ৰ সম্পূৰ্ণৰূপে বিনষ্ট হোৱাৰ লগতে ভাঙি যায় কেইবাখনো ডেস্ক-বেঞ্চ ৷ ফলত বিদ্যালয়খনৰ কণ-কণ শিক্ষাৰ্থীসকলৰ পাঠদান এতিয়া বন্ধ হৈ পৰা পৰিলক্ষিত হৈছে ৷ গতিকে জোনাই মহকুমা প্ৰশাসনৰ লগতে বিভাগীয় কৰ্তৃপক্ষই অতি শীঘ্ৰেই পৰিদৰ্শন কৰি বিদ্যালয়খন পুনৰ মেৰামতি কৰি পুনৰ পাঠদান আৰম্ভ কৰিব পৰাকৈ ব্যৱস্থা গ্ৰহণ কৰিবলৈ আহ্বান জনাইছে স্থানীয় ৰাইজে ৷

লগতে পঢ়ক: Harvest Programme: নাগশংকৰ কলবস্তিত কৃষি বিজ্ঞান কেন্দ্ৰৰ বড়ো ধান ছপোৱা প্ৰশিক্ষণ অনুষ্ঠান