বাক্সাৰ দুমুনীত শ্ৰীশ্ৰীকৃষ্ণ জন্মাষ্টমী পালন

আজি ভগৱান শ্ৰীকৃষ্ণৰ জন্মাষ্টমী (Srikrishna Janmastmi celebrated today) । ৰাজ্যৰ ভিন্ন প্ৰান্তৰ লগতে বাক্সা জিলাৰ ডুমুনীতো (Srikrishna Janmastmi celebrated at Dumuni in Baksa) বৃহস্পতিবাৰৰে পৰা তিনিদিনীয়া কাৰ্যসূচীৰে ডুমুনী ৰাধা গোবিন্দ মন্দিৰ সমিতি আৰু দিহিৰা প্ৰখণ্ড বিশ্ব হিন্দু পৰিষদৰ (Vishva Hindu Parishad)সৌজন্যত শ্ৰীকৃষ্ণৰ জন্মাষ্টমী উদযাপন কাৰ্যসূচী আৰম্ভ কৰা হয় । কাৰ্যসূচী অনুযায়ী প্ৰথমদিনা পুৱা ৮ বজাত ধৰ্মীয় পতাকা উত্তোলনকে ধৰি বিভিন্ন কাৰ্যসূচী ৰূপায়ণ কৰা হয় । আজি পুৱা প্ৰভাতী সংকীৰ্তন ‌অনুষ্ঠিত কৰাৰ পিছত ধৰ্মীয় শোভাযাত্ৰা উলিওৱা হয় । হিন্দুসকলৰ মাজত হিন্দু ধৰ্মৰ চেতনা জাগ্ৰত কৰা আৰু অঞ্চলটোৰ বিভিন্ন জনগোষ্ঠীৰ মাজত একতা বজাই ৰখাৰ বাবে প্ৰতি বছৰে আজিৰ দিনটোত শ্ৰীকৃষ্ণৰ জন্মাষ্টমী উদযাপন কৰি অহা বুলি উদ্যোগতাসকলে প্ৰকাশ কৰে ।