Ganja smugglers arrested: জোনাই নগৰীয়া কেম্পত গাঞ্জাসহ আটক সৰবৰাহকাৰী

জোনাই, ৭ ছেপ্টেম্বৰ: জোনাইৰ নগৰীয়া কেম্পত বৃহস্পতিবাৰে গাঁওৰক্ষী বাহিনীয়ে গাঞ্জাসহ এটা সৰবৰাহকাৰীক আটক কৰে । ধৃত সৰবৰাহকাৰীটো অমল কুমাৰ নন্দী বুলি চিনাক্ত কৰা হৈছে ৷ অমল কুমাৰ নন্দীয়ে চিলাপথাৰৰ পৰা গাঞ্জাখিনি লৈ দুপৰীয়া প্ৰায় দুই মান বজাত নগৰীয়া কেম্পত অহাৰ সময়ত গাঁওৰক্ষী বাহিনীয়ে আটক কৰে ৷ 

ধৃত সৰবৰাহকাৰীটোৰ পৰা গাঁওৰক্ষী বাহিনীয়ে গাঞ্জাখিনি উদ্ধাৰ কৰি আৰক্ষীক খবৰ দিয়ে । ঘটনাৰ সম্ভেদ লাভ কৰাৰ লগে লগে ঘটনাস্থলীত জোনাই আৰক্ষী উপস্থিত হৈ গাঞ্জাসহ সৰবৰাহকাৰীটোক গ্ৰেপ্তাৰ কৰে ।

ধৃত অমল কুমাৰ নন্দীৰ ঘৰ পশ্চিমবংগত বুলি জানিব পৰা হৈছে ৷ সৰবৰাহকাৰীটোৱে অৰুণাচল প্ৰদেশৰ মেচুকাত বিক্ৰীৰ বাবে গাঞ্জাখিনি লৈ অহা কথা জানিব দিয়ে । ইতিমধ্যে আৰক্ষীয়ে ধৃত সৰবৰাহকাৰীটোৰ জেৰা অব্যাহত ৰাখিছে ৷ 

লগতে পঢ়ক: Crime in Dhemaji: জোনাইত গাঞ্জাসহ আটক সৰবৰাহকাৰী