ৰে’লত উঠোতেই প্ৰচণ্ড বিস্ফোৰণ ঘটি জ্বলি গ’ল যুৱক; ভিডিঅ’ দেখিলে আপুনিও হ’ব আচৰিত

নেশ্যনেল ডেস্ক: মধ্যপ্ৰদেশৰ বুৰহানপুৰত পোহৰলৈ আহিছে এজন যুৱকৰ হৃদয় এক বিদাৰক ভিডিঅ’ । বৃহস্পতিবাৰে নিশা লালবাগ ৰে’ল ষ্টেচনত হঠাতে এজন যুৱকে এখন ৰখাই থোৱা ৰে’লৰ ওপৰত উঠি অ’এইচ ই লাইনৰ সংস্পৰ্শলৈ অহাৰ ফলত ষ্টেচনত ব্যাপক বিস্ফোৰণ সংঘটিত হৈ যুৱকজন জ্বলি যায় । উচ্চ ক্ষমতাসম্পন্ন বৈদ্যুতিক তাঁৰডাল যুৱকজনে স্পৰ্শ কৰাৰ লগে লগে বিস্ফোৰণ হৈ জুই জ্বলি উঠে আৰু যুৱকজনৰ শৰীৰ জ্বলি যায় ।

ঘটনা সংঘটিত হোৱাৰ লগে লগে হাহাকাৰ লাগে ষ্টেচনটোত । লালবাগ ষ্টেচনত ৰখাই থোৱা অৱস্থাত পৱন এক্সপ্ৰেছৰ এটা ডবাত উঠিছিল যুৱকজন । লগে লগে ষ্টেচনত থকা লোকসকলে যুৱকজনক ৰখাবলৈ চেষ্টা কৰিছিল আৰু নামি আহিবলৈ আহ্বান জনাইছিল । কিন্তু তাৰ পূৰ্বেই যুৱকজনে উচ্চ ক্ষমতাসম্পন্ন তাঁৰত মুঠি মাৰি ধৰে । যাৰ ফলত প্ৰচণ্ড বিস্ফোৰণ ঘটি যুৱকজন জ্বলি তললৈ খহি পৰে । জি আৰ পি এফৰ মতে বৰ্তমানলৈ যুৱকজনৰ পৰিচয় উদ্ধাৰ হোৱা নাই । বৰ্তমান যুৱকজন চিকিৎসাধীন হৈ আছে । যুৱকজন মানসিকভাৱে বিকাৰগ্ৰস্ত বুলি জানিব পৰা গৈছে ৷

লগতে পঢ়ক: গৃহ নিৰ্মাণৰ সঁজুলিৰ পৰিৱৰ্তে পাৰ্চেলত ওলাল মৃতদেহ ! - BODY FOUND IN PARCEL