গোলাঘাটৰ কছাৰীহাটত পুনৰ জব্দ গৰুভৰ্তি বাহন

গোলাঘাট জিলাত পুনৰ সক্ৰিয় হৈছে গৰু চুৰি চক্ৰ(Cattle smuggling in Golaghat)। জিলাখনৰ কছাৰীহাটত(Smuggled cattle seized in Kasarighat)দেওবাৰে নিশা গাঁওৰক্ষী বাহিনীয়ে গৰুভৰ্তি বাহন এখন জব্দ কৰে । উল্লেখ্য় যে বিগত চাৰি দিনত দুখনকৈ গৰুভৰ্তি বাহন জব্দ কৰে গাঁওৰক্ষী বাহিনীয়ে(VDP seized cattle with vehicles in Golaghat)। দেওবাৰেও নিশা চোৰাংকৈ গৰু সৰবৰাহ কৰোতেই খেদি খেদি বাহনখন জব্দ কৰে শিয়ালেখাতি-খুমটাই গাঁওৰক্ষী বাহিনীয়ে । ঘটনাৰ বিৱৰণি অনুসৰি নিশা গোলাঘাটৰ অঁকাআলি হৈ আঠখেলীয়া অভিমুখে যোৱা দুখন গৰুভৰ্তি বাহন প্ৰত্যক্ষ কৰে গাঁওৰক্ষী বাহিনীয়ে । এই বাহন দুখনক ৰ'বলৈ সংকেত দিয়াৰ পিছতো পলাবলৈ চেষ্টা কৰাত বাহন দুখনক পিছে পিছে খেদি যায় গাঁওৰক্ষী বাহিনীয়ে । পিছত AS05 C7173 নম্বৰৰ বলেৰ' পিক আপ ভেন এখন কছাৰীহাট হাইস্কুলৰ সমীপত জব্দ কৰিবলৈ সক্ষম হয় যদিও পলাই সাৰে আনখন বাহনে । অৱশ্য়ে বাহনখন জব্দ হোৱাৰ পূৰ্বেই পলায়ন কৰে চালক আৰু কৰ্মচাৰীয়ে । উক্ত বাহনখনত ১৪ টা চোৰাং গৰু জব্দ কৰি গোলাঘাট আৰক্ষীক গতাই দিয়ে গাঁওৰক্ষী বাহিনীয়ে।