Attack by miscreants: লাওঁখোৱা তিনিআলিত ভয়ংকৰ আক্ৰমণৰ ঘটনা

চামগুৰি,৪ অক্টোবৰ: ৰূপহীহাটৰ লাওঁখোৱা তিনিআলিত চাঞ্চল্যকৰ ঘটনা । এজন লোকক ভয়ংকৰ আক্ৰমণৰ চেষ্টা এচাম দুৰ্বৃত্তৰ । জিয়াবুৰ খান নামৰ যুৱকজনক হাতত চোকা অস্ত্ৰ লৈ মিৰাজ আলী নামৰ লোকজনৰ নেতৃত্বত ছয়জনীয়া এটা দুৰ্বৃত্তৰ দলে দলবদ্ধভাৱে আক্ৰমণ কৰাৰ অভিযোগ উত্থাপিত হৈছে ।  

সামান্য কথা-বতৰাত মতানৈক্য হৈ প্ৰচণ্ড মাৰপিটৰ ঘটনা সংঘটিত হোৱাৰ কথা প্ৰকাশ কৰে ভুক্তভোগী জিয়াবুৰ খান । হাতত চোকা অস্ত্ৰ লৈ জিয়াবুৰ খান নামৰ যুৱকজনক প্ৰাণে মৰাৰ চেষ্টা কৰাৰ অভিযোগ উত্থাপন কৰে । ৰাইজৰ তৎপৰতাত কথমপি প্ৰাণ ৰক্ষা পৰে যুৱকজনৰ । সমগ্ৰ ঘটনা সন্দৰ্ভত আমবাগান আৰক্ষী চকীত গোচৰ ৰুজু কৰে ভুক্তভোগী জিয়াবুৰ খানে । ঘটনা সন্দৰ্ভত আৰক্ষীয়ে কি ব্যৱস্থা গ্ৰহণ কৰে সেয়া সময়ত লক্ষনীয় হ'ব ।

লগতে পঢ়ক: Campaign against Child marriage: বাল্য বিবাহ বিৰোধী অভিযান সন্দৰ্ভত কি ক'লে জি পি সিঙে