Sarbananda Sonowal in Dibrugarh: ডিব্ৰুগড়ত জ্যেষ্ঠ ব্যক্তিৰে কেন্দ্ৰীয় মন্ত্ৰী সৰ্বানন্দ সোণোৱালৰ বাৰ্তালাপ

নৱবৰ্ষৰ প্ৰাকক্ষণত সমাজৰ বিভিন্ন শ্ৰেণীৰ বিভিন্ন ক্ষেত্ৰৰ বিশিষ্ট তথা জ্যেষ্ঠ ব্যক্তিসকলৰ সৈতে মত বিনিময় কেন্দ্ৰীয় মন্ত্ৰী সৰ্বানন্দ সোণোৱালৰ(Minister Sarbananda Sonowal) । ডিব্ৰুগড়ত আউনীআটী শাখা সত্ৰৰ(Auniati Satra) প্ৰেক্ষাগৃহত অনুষ্ঠিত হয় এই মত বিনিময় অনুষ্ঠান ৷ অনুষ্ঠানত অংশগ্ৰহণ কৰে বিশিষ্ট সাহিত্যিক ড৹ নগেন শইকীয়া(Dr Nagen Saikia), সাহিত্যিক দেৱী প্ৰসাদ বাগৰীয়া, জ্যেষ্ঠ অধিবক্তা অসীম দত্ত, বিশিষ্ট উদ্যোগতপতি মৃগেন জালান, ডিব্ৰুগড় বিশ্বিবদ্যালয়ৰ উপাচাৰ্য ড৹ জীতেন হাজৰিকা, অসম চিকিৎসা মহাবিদ্যালয়ৰ অধ্যক্ষ ডাঃ সঞ্জীৱ কাকতি, ডিব্ৰুগড়ৰ কানৈ মহাবিদ্যালয়ৰ অধ্যক্ষ ড৹ শশীকান্ত শইকীয়াকে ধৰি কেইবাখনো মহাবিদ্যালয়ৰ অধ্যক্ষই ৷ লগতে অংশ লয় বহুকেইগৰাকী জ্যেষ্ঠ অধিবক্তা, চিকিৎসক,সাহিত্যিকৰ লগতে কেইবাগৰাকীও সাংবাদিকে ৷ অনুষ্ঠানত উপস্থিত থাকে কেন্দ্ৰীয় ৰাজ্যিক মন্ত্ৰী ৰামেশ্বৰ তেলী(Minister Rameshwar Teli), বিধায়ক প্ৰশান্ত ফুকন(MLA Prashanta Phukan), ডিব্ৰুগড় উন্নয়ন প্ৰাধিকৰণৰ সভাপতি অসীম হাজৰিকা, ডিব্ৰুগড় পৌৰসভাৰ উপ-পৌৰপতি উজ্জ্বল ফুকন ৷