Road Accident at Kaliabor : বুঢ়াপাহাৰৰ 37 নং ৰাষ্ট্ৰীয় ঘাইপথত অঘটন, ৰাজপথত বহু সময় আৱদ্ধ যান-বাহন

কলিয়াবৰ, 23 ছেপ্টেম্বৰ : কলিয়াবৰৰ জখলাবন্ধা আৰক্ষী নিৱেশৰ অন্তৰ্গত বুঢ়াপাহাৰৰ 37 নং ৰাষ্ট্ৰীয় ঘাইপথত শনিবাৰে পুৱতি নিশা সংঘটিত হয় এক পথ দুৰ্ঘটনা । পথৰ ওপৰতে বাগৰি পৰে গাহৰি কঢ়িওৱা এখন বৃহৎ আকাৰৰ বাহন । ফলত স্তব্ধ হৈ পৰে উজনি-নামনিৰ যাতায়ত ব্যৱস্থা ।

37 নং ৰাষ্ট্ৰীয় ঘাইপথত এই দুৰ্ঘটনা সংঘটিত হোৱাত পুৱতি নিশা প্ৰায় 3 বজাৰ পৰাই কাজিৰঙা ৰাষ্ট্ৰীয় উদ্যানৰ কাষেৰে যোৱা পথচোৱা বন্ধ হৈ পৰে ৷ ফলত দুৰ্ঘটনাস্থলীৰ দুয়োপাৰে বাহনৰ দীঘলীয়া শাৰীৰ সৃষ্টি হয় । পুৱা প্ৰায় 7 বজাতহে কলিয়াবৰ আৰক্ষী প্ৰশাসনৰ সহযোগত পুনৰ যাতায়ত আৰম্ভ হয় ।

নিশা হোৱাৰ বাবেই যাতায়ত ব্যৱস্থাত ব্যাঘাত সৃষ্টি হয় ৷ ফলত উজনি-নামনিৰ যাত্ৰীয়ে দুৰ্ভোগ ভুগিব লগাত পৰে ।

লগতে পঢ়ক : Ripun Bora on BJP govt; বিজেপি চৰকাৰখন ডকাইত আৰু লুটপাতৰ চৰকাৰহে : ৰিপুন বৰা