মৰাণত পথ দুৰ্ঘটনা, ব্যৱসায়ী প্ৰতিষ্ঠানত সোমাল তীব্ৰবেগী বাহন

ডিব্ৰুগড়, 18 নৱেম্বৰ : মৰাণৰ নতুন নগৰ 37 নং ৰাষ্ট্ৰীয় ঘাইপথত পথ দুৰ্ঘটনা ৷ শনিবাৰে সন্ধিয়াৰ ভাগত নিয়ন্ত্ৰণ হেৰুৱাই ৰাষ্ট্ৰীয় ঘাইপথৰ দাঁতিত থকা এখন দোকান মহতিয়াই লৈ যায় তীব্ৰবেগী বাহনে ৷ দুৰ্ঘটনাগ্ৰস্ত বাহনখনৰ নম্বৰ হৈছে AS 06X 0565 ৷ এই দুৰ্ঘটনাত কথমপি প্ৰাণ ৰক্ষা পৰে এগৰাকী মহিলাৰ ৷

প্ৰত্যক্ষদৰ্শীৰ মতে, মৰাণৰ পৰা ডিব্ৰুগড়ৰ দিশে গৈ আছিল তীব্ৰবেগী বাহনখন ৷ তেনে সময়তে হঠাৎ পথৰ দাঁতিত থকা দোকানত খুন্দা মাৰে ৷ তীব্ৰ বেগত আহিছিল বাহনখন ৷ কি কাৰনে এই ঘটনা হ’ল কোনেও ধৰিব পৰা নাই ৷

এইক্ষেত্ৰত ভুক্তভোগী মহিলাগৰাকীয়ে কয়, ‘‘মই দোকান বন্ধ কৰি ঘৰলৈ যাবলৈ ওলাইছিলো তেনে সময়েত তীব্ৰ বেগী গাড়ীখন দোকানলৈ সোমাই আহে ৷ দোকানখনৰ যথেষ্ট ক্ষতিসাধন হৈছে ৷’’

লগতে পঢ়ক:বাইকৰ পৰা নিৰ্গত হোৱা তেলে ডিব্ৰুগড়ত ছাৰখাৰ কৰিলে এখন ঘৰ