Road accident in Dibrugarh: ডিব্ৰুগড়ৰ কুমাৰণিছিগাত পথ দুৰ্ঘটনাত আহত তিনি

মৰাণ, ১১ নৱেম্বৰ: ডিব্ৰুগড় জিলাৰ কুমাৰণিছিগাত শনিবাৰে নিশা সংঘটিত হয় এক ভয়ংকৰ পথ দুৰ্ঘটনা । স্কুটী আৰু বাইকৰ মাজত হোৱা মুখামুখি সংঘৰ্ষত তিনিজন লোক গুৰুতৰভাৱে আহত হয় । ডিব্ৰুগড়ৰ কুমাৰণিছিগাত ৩৭ নং ৰাষ্ট্ৰীয় ঘাইপথত তীব্ৰ বেগত অহা স্কুটী আৰু বাইকৰ মাজত মুখামুখী সংঘৰ্ষৰ ফলতেই এই পথ দুৰ্ঘটনা সংঘটিত হৈছে ।  

AS 06 AA 6480 নম্বৰৰ হোণ্ডা এক্টিভা স্কুটী আৰু পালছাৰ এন এছ ২০০ ৰ মাজত হোৱা মুখামুখি সংঘৰ্ষত গুৰুতৰভাৱে আহত তিনিজন বাইক আৰোহীক আৰক্ষীয়ে স্থানীয় ৰাইজৰ সহযোগত অসম চিকিৎসা মহাবিদ্য়ালয় হাস্পতাললৈ সংকটজনক অৱস্থাত প্ৰেৰণ কৰে । ইপিনে, বাইকখনৰ আৰোহীজন ডিব্ৰুগড়ৰ বৰপথাৰৰ বিক্ৰম কোঁৱৰ বুলি চিনাক্ত কৰা হৈছে । ঘটনাস্থলীত আৰক্ষী উপস্থিত হৈ তদন্ত আৰম্ভ কৰিছে ।

লগতে পঢ়ক:Menstrual Leave : গুৱাহাটী বিশ্ববিদ্যালয়ৰ ঐতিহাসিক পদক্ষেপ, ঋতুস্ৰাৱৰ বাবে ছাত্ৰীলৈ মাহেকীয়া ছুটীৰ ব্যৱস্থা