ৰাইজৰ দলত মোক্ষম আঘাত: সাধাৰণ সম্পাদক লোহিত গগৈৰ পদত্যাগ

অখিল গগৈৰ সংগ এৰিছে এজনৰ পাছত আন এজন সংগ্ৰামী নেতাই । চলিত মাহতেই ৰাইজৰ দলৰ সভাপতি অখিল গগৈৰ(Raijor Dal president) সংগ দলটোৰ বহুকেইজন নেতাই ত্যাগ কৰাৰ পাছতেই পুনৰ আজি মোক্ষম আঘাত ৰাইজৰ দলত । ৰাইজৰ দলৰ পৰা অব্যাহতি বিচাৰি সভাপতিলৈ পত্ৰ প্ৰেৰণ ৰাইজৰ দলৰ সাধাৰণ সম্পাদক লোহিত গগৈৰ (Lohit Gogoi resigns Raijor Dal) । ৰাইজৰ দলৰ লগত জন্ম লগ্নৰে পৰা জড়িত লোহিত গগৈয়ে ব্যক্তিগত কাৰণত অব্যাহতি বিচৰা বুলি মন্তব্য কৰে সংবাদ মাধ্যমৰ আগত । উল্লেখযোগ্য যে বিগত ২০২১ বৰ্ষৰ বিধানসভা নিৰ্বাচনত মাহমৰা সমষ্টিৰ পৰা প্ৰতিদ্বন্দিতা কৰিছিল লোহিত গগৈয়ে । লগতে দলৰ নেতৃত্বৰ ওপৰত কোনোধৰণৰ আক্ষেপ নাই বুলি কৈ পদত্যাগী সম্পাদকগৰাকীয়ে কয়, ৰাইজৰ দলে এদিন সঁচা জাতীয়তাবাদ প্ৰতিষ্ঠা কৰাত সফল হ'ব ।