Student protest in Cotton University: কটন বিশ্ববিদ্যালয়ৰ কৰ্তৃপক্ষৰ বিৰুদ্ধে ছাত্ৰসমাজৰ প্ৰতিবাদ

গুৱাহাটী,৬ অক্টোবৰ: কটন বিশ্ববিদ্যালয়ৰ কৰ্তৃপক্ষৰ বিৰুদ্ধে কটনিয়ানে সাব্যস্ত কৰে তীব্ৰ প্ৰতিবাদ । বিশ্ববিদ্যালয়খনৰ কৃত্ৰিম বান, কেন্টিনৰ সমস্যা, হোষ্টেলৰ সমস্যা, প্ৰস্ৰাৱগাৰ-শৌচাগাৰৰ সমস্যাকে আদি কৰি বিভিন্ন সমস্যা সমাধান নকৰাত কৰ্তৃপক্ষৰ বিৰুদ্ধে প্ৰতিবাদ সাব্যস্ত কৰে শিক্ষাৰ্থীসকলে । কৰ্তৃপক্ষ হুচিয়াৰ, কটনিয়ান জিন্দাবাদ, NAAC আহিলে কটনিয়ানৰ কটা যাব নাক, কটনিয়ান থাকে ভোকত-কৰ্তৃপক্ষই বহি থাকে AC ৰুমত, ছাত্ৰ-ছাত্ৰীৰ লগত হেতালখেলা বন্ধ কৰক আদি শ্ল'গান দি হাতে হাতে প্লেকাৰ্ড লৈ বিশ্ববিদ্যালয়ৰ চৌহদত প্ৰতিবাদ সাব্যস্ত কৰে ।  

প্ৰতিবাদ সাব্যস্ত কৰি শিক্ষাৰ্থীসকলে কয় যে ৬ হাজাৰ কটনিয়ানৰ বাবে মাত্ৰ এখন কেন্টিনৰহে ব্যৱস্থা আছে বিশ্ববিদ্যালয়খনত । যিখন কেন্টিনৰ চাওমিন মেকুৰীয়ে খায় ৷ এজাক বৰষুণতে কিছু বিভাগত একাঠু পানী হোৱাৰ পাচতো কৰ্তৃপক্ষই গুৰুত্ব প্ৰদান নকৰাৰ অভিযোগ শিক্ষাৰ্থীসকলৰ । বিশ্ববিদ্যালয়খনক উত্তৰ-পূব এছিয়াৰ ভিতৰতে শ্ৰেষ্ঠ বিশ্ববিদ্যালয় হিচাপে গঢ়ি তোলাৰ প্ৰতিশ্ৰুতি দিছিল হিমন্ত বিশ্ব শৰ্মাই । কিন্তু আজিলৈ সেই প্ৰতিশ্ৰুতি ৰূপায়ণ কৰাৰ বাবে কোনো পদক্ষেপ গ্ৰহণ কৰা নহ'ল বুলিও অভিযোগ উত্থাপন কৰে প্ৰতিবাদকাৰী শিক্ষাৰ্থীসকলে ।  

লগতে পঢ়ক: Anganwadi worker-helper protest: লখিমপুৰত অংগনৱাড়ী কৰ্মী-সহায়িকাৰ ধৰ্ণা