Demand to prevent erosion: বৰপেটাত খহনীয়া প্ৰতিৰোধৰ দাবীত প্ৰতিবাদী সভা

বৰপেটাৰ বহৰিৰ কলতলি গাঁৱত ভয়াৱহ খহনীয়া(Massive erosion in Barpeta) ৷ খহনীয়াৰ কৱলত কলতলি গাঁৱৰ এখন প্ৰাথমিক বিদ্যালয় ৷ খহনীয়াৰ ফলত ইতিমধ্যে নৈৰ বুকুত জাহ গৈছে কলতলি প্ৰাথমিক বিদ্যালয়ৰ পকী দেৱালকে ধৰি এক অংশ ৷ ইপিনে কেইবাবছৰ ধৰি চলি থকা খহনীয়াৰ ফলত জাহ গৈছে কলতলি গাঁৱৰ প্ৰায় আঢ়ৈ শতাধিক পৰিয়ালৰ ঘৰ-ভেটিসহ বৃহৎ কৃষিভূমি ৷ কলতলি গাঁৱৰ লগতে ব্ৰহ্মপুত্ৰৰ খহনীয়াই এতিয়া ভাবুকি কঢ়িয়াই আনিছে বহৰি বজাৰ আৰু বহৰি ৰিজাৰ্ভ গাঁৱকে ধৰি বৃহত্তৰ অঞ্চলটোলৈ । সেয়েহে কলতলিত চলি থকা খহনীয়াৰ পৰা বৃহত্তৰ অঞ্চলটো ৰক্ষাৰ দাবীত বহৰি বজাৰ ব্ৰহ্মপুত্ৰৰ খহনীয়া প্ৰতিৰোধ সংগ্ৰাম সমিতিয়ে প্ৰতিবাদী সভা অনুষ্ঠিত কৰি শীঘ্ৰে খহনীয়া প্ৰতিৰোধী ব্যৱস্থা গ্ৰহনৰ দাবী তোলে(Protests demanding prevention of erosion) ৷