Students protest in Amguri: শিক্ষকৰ বদলিকৰণ বাতিলৰ দাবীত প্ৰতিবাাদ

আমগুৰি,২৬ আগষ্ট: ‘‘জীৱন খনিকৰ ছাৰক ৰাখিব লাগিবই । মৰমৰ জীৱন খনিকৰ ছাৰৰ বদলি কোনোপধ্যে মানি লোৱা নহয় । প্ৰয়োজনত প্ৰতিবাদ হ'ব কিন্তু বদলিকৰণ বাতিল কৰিবই লাগিবই ।’’ শ্ৰেণী কোঠা এৰি এনেদৰেই প্ৰতিবাদত নামিল শিৱসাগৰ জিলাৰ নামতিৰ এখন বিদ্যালয়ৰ ছাত্ৰসকল । শ্ৰদ্ধাৰ শিক্ষাগুৰুক বদলিকৰণক কেন্দ্ৰ কৰি প্ৰতিবাদেৰে বিদ্যালয় চৌহদ উত্তাল কৰিলে একাংশ ছাত্ৰই ।  

নামতি বালক উচ্চতৰ মাধ্যমিক বিদ্যালয়ৰ শিক্ষক জীৱন খনিকৰৰ বদলিৰ নিৰ্দেশৰ বিৰোধিতা কৰি শ্ৰেণী কোঠা বৰ্জনৰ লগতে প্ৰতিবাদত নামিল বিদ্যালয়খনৰ সকলো ছাত্ৰ । মৰমৰ ছাৰক কোনোপধ্যে হেৰুৱাব নিবিচাৰে ছাত্ৰসকলে । প্ৰয়োজন হলে শ্ৰেণীকোঠা বৰ্জনৰ লগতে বিদ্যালয় ছাত্ৰসকলে প্ৰতিবাদ অব্যাহত ৰাখিব বুলি জানিবলৈ দিয়ে । বৰ্তমান চিকিৎসাধীন অৱস্থাত ছুটীত থকা বিদ্যালয়খনৰ ছাত্ৰসকলৰ মৰমৰ জীৱন খনিকৰ ছাৰৰ বদলিকৰণ বাতিল হ’বনে নাই সেইয়া সময়তহে প্ৰতিপন্ন হ'ব । 

লগতে পঢ়ক: MLA Mrinal Saikia: কিয় পদত্যাগ কৰিব খুমটাইৰ বিধায়ক মৃণাল শইকীয়াই ?