Dhemaji theft news:ধেমাজিত আৰক্ষীয়ে গ্ৰেপ্তাৰ কৰিছে দুটা দুধৰ্ষ চোৰক

ধেমাজি, 30 ছেপ্টেম্বৰ : ধেমাজিৰ আৰক্ষীৰ বিশেষ সফলতা ৷ দুটা দুধৰ্ষ চোৰক ওদালগুৰি দলগাঁৱৰ পৰা কৰায়ত্ত কৰে ধেমাজি আৰক্ষীয়ে ৷ চোৰ দুটাৰ পৰা উদ্ধাৰ হোৱা সামগ্ৰী দেখিলে চকু কপালত উঠিব আপোনাৰ ৷

সোণৰ আ-অলংকাৰ, দেশী-বিদেশী টকা, ৰূপৰ সামগ্ৰী আৰু দামী মোবাইলকে আদি কৰি বিভিন্ন দামী সামগ্ৰী চোৰ দুটাৰ পৰা জব্দ কৰে আৰক্ষীয়ে ৷ ধেমাজি জিলাত চোৰৰ উপদ্ৰৱ বৃদ্ধি হোৱাৰ কথা এতিয়া সকলোৰে মুখে মুখে ৷ ধাৰাবাহিকভাৱে ধেমাজি নগৰ চৌখাম গাঁও, চিলাপথাৰ, জোনাই আৰু মাছখোৱাত চোৰে লুটপাত চলোৱাৰ পিচত আৰক্ষী তীব্ৰ সমালোচনাৰ সন্মুখীন হ’ব লগীয়া হৈছিল ৷

শেহতীয়াকৈ বিশেষ সম্ভেদ অনুসৰি ধেমাজিৰ আৰক্ষীয়ে দলগাঁৱৰ ৰৌতা থানাৰ আমিনপাৰা গাঁৱৰ পৰা জাহাৰুল ইচলাম আৰু মহিবুল ইচলামক গ্ৰেপ্তাৰ কৰিছে ৷

লগতে পঢ়ক : Theft in Civil hospital: চিকিৎসালয়ত শুই থকা ব্যক্তিৰ ম’বাইল চুৰি কৰি উধাও চোৰ