PBP Award 2022: প্ৰতিমা বৰুৱা পাণ্ডে স্মাৰক বঁটা প্ৰাপক একলব্য গামক ধেমাজিত বিপুল আদৰণি

২০২২ বৰ্ষৰ প্ৰতিমা বৰুৱা পাণ্ডে বঁটা প্ৰাপক একলব্য গামক বৃহস্পতিবাৰে ধেমাজিত বিপুল আদৰণি জনায় ৷ উল্লেখ্য যে লোক-সংস্কৃতিৰ সাধক, মিচিং বাঃনৗ কৗবাঙৰ কেন্দ্ৰীয় উপ-সভাপতি একলব্য গামক যোৱা ২৭ ডিচেম্বৰত সদৌ অসম ছাত্ৰ সন্থাই প্ৰদান কৰিছিল ২০২২ বৰ্ষৰ প্ৰতিমা বৰুৱা পাণ্ডে বঁটা (Folk Artist Eklavya Gham) ৷ আজি বঁটা প্ৰাপক একলব্য গামে ধেমাজিত উপস্থিত হৈ দঃঞি পঃল গাংগিঙত সেৱা জনায় (Pratima Barua Pandey award 2022) ৷ সেই স্থানৰ পৰা গোমৰাগ নৃত্যৰে ধেমাজি কাড়িচুক মিচিং আগম কৗবাঙলৈ আদৰি অনা হয় শিল্পীগৰাকীক ৷ ইয়াৰ পিছতে মিচিং আগম কৗবাঙৰ কাৰ্যালয়ৰ সমীপত ধেমাজিৰ টিএমপিকে, এমএমকে, টিএমএমকে, এমবিকে, এমএকে, এমদিকে আৰু জেডিএচএচএম য়ে ধেমাজিত একলব্য গামক বিপুল সম্বৰ্ধনা জনায় (Eklavya Gham Receives Pratima Pandey Award) ৷ য়কচা কুলিৰ পৌৰোহিত্যত অনুষ্ঠিত সম্বৰ্ধনা অনুষ্ঠানত TMPK ৰ কেন্দ্ৰীয় সহকাৰী সম্পাদক টুনীৰাম পাংগিঙকে আদি কৰি ছয় মিচিং সংগঠনৰ আঞ্চলিক, জিলা আৰু কেন্দ্ৰীয় পৰ্যায়ৰ কৰ্মকৰ্তাসকল উপস্থিত থাকে ৷