Road accident at Rupohihat:পথ দুৰ্ঘটনা থিতাতে প্ৰাণ হেৰুৱালে এজনে

চামগুৰি, 29 ছেপ্টেম্বৰ : শুকুৰবাৰে ৰূপহীহাটৰ শিঙিমাৰীত ভয়ংকৰ পথ দুৰ্ঘটনা সংঘটিত হয় ৷ দুৰ্ঘটনাটোত থিতাতে নিহত হয় এজন যুৱক । প্ৰাপ্ত খবৰ অনুসৰি মুখামুখি সংঘৰ্ষৰ ফলতে যুৱকজনে প্ৰাণ হেৰুৱাবলগীয়া হয় ৷

উপস্থিত ৰাইজে জনোৱা মতে এখন বাইক আৰু টেম্পোৰ মাজত মুখামুখি সংঘৰ্ষ হয় ৷ নিহত যুৱকজন ১৯বছৰীয়া ছামীদুল ইছলাম বুলি চিনাক্ত কৰা হৈছে । দুৰ্ঘটনাগ্ৰস্ত হোৱা টেম্পোখনৰ নম্বৰ হৈছে AS-02-AC-7048 । দুৰ্ঘটনাটোৰ পিচতে উক্ত স্থানৰ পৰা টেম্পো চালকজনে পলায়ন কৰে বুলি জানিবলৈ দিয়ে ৰাইজে ৷ আনহাতে পথৰ পৰা বাইকখন চিটিকি গৈ নলাত পৰেগৈ । 

ঘটনাৰ পিচতে পথটোত ৰাইজে ভৰি পৰে ৷ তেওঁলোক জনোৱা অনুসৰি উক্ত পথটোত প্ৰায়ে দুৰ্ঘটনা সংঘটিত হ’বলৈ লৈছে ৷ কোনেও তাত ট্ৰেফিক নিয়ম অনুসৰণ নকৰে ৷ যথেষ্ট স্পীডত গাড়ী বাইক চলোৱাৰ বাবেই এই দুৰ্ঘটনা সংঘটিত হয় বুলি উপস্থিত ৰাইজে মত প্ৰকাশ কৰিছে ৷

লগতে পঢ়ক : Kharupetia Accident:খাৰুপেটীয়াৰ বালুগাঁৱত মাৰুতিৰ প্ৰচণ্ড খুন্দাত নিহত ব্যৱসায়ী