কলিয়াবৰৰ কাঞ্চনজুৰিত ভয়ংকৰ পথ দুৰ্ঘটনাত এজনৰ মৃত্যু

কলিয়াবৰ, 23 ডিচেম্বৰ : কলিয়াবৰৰ কাঞ্চনজুৰিৰ ৩৭ নং ৰাষ্ট্ৰীয় পথত ভয়ংকৰ দুৰ্ঘটনা সংঘটিত হৈছে । এখন ট্ৰাকৰ খুন্দাত থিতাতে নিহত হয় এজন বাইক আৰোহী । নিহতজনক আমবাগান খামখোৱাৰ নিৰ্মল বৈঞ্চৱ বুলি চিনাক্ত কৰা হৈছে ।

SHADOWFAX নামৰ ডেলিভাৰী প্ৰতিষ্ঠানটোৰ কৰ্মচাৰী আছিল নিহত যুৱকজন । প্ৰাপ্ত খবৰ অনুসৰি, কলিয়াবৰৰ হাতীয়েখোৱাৰ পৰা ডেলিভাৰীৰ সামগ্ৰী লৈ কুঠৰীলৈ গৈ আছিল যুৱকজন । এই এছ ০১ ই চি ৭১৭৫ (AS 01 EC 7175) নম্বৰৰ মিনি ট্ৰাকখনৰ খুন্দাত নিহত হয় যুৱকজন । দুৰ্ঘটনাগ্ৰস্ত বাইকখনৰ নম্বৰ এই এছ ০২ এছ ৪৪৬৯ (AS 02 S 4469)।

বাগৰি আৰক্ষীয়ে ৰাষ্ট্ৰীয় ঘাইপথৰ দাঁতিৰ পৰা যুৱকজনৰ মৃতদেহ উদ্ধাৰ কৰাৰ লগতে দুৰ্ঘটনা সংঘটিত কৰা মিনি ট্ৰাকখনো জব্দ কৰে ৷ যুৱকজনৰ মৃত্যুত কলিয়াবৰ মহকুমা অসামৰিক চিকিৎসালয়ত শোকাকুল পৰিৱেশে বিৰাজ কৰিছে ৷

লগতে পঢ়ক : কালিকা লগা শনিবাৰ : নুমলীগড়ৰ 37 নং ৰাষ্ট্ৰীয় ঘাইপথত পথ দুৰ্ঘটনাত নিহত 1 আহত 2