Road accident: 37 নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা, এজন নিহত

মৰাণ, 26 জুন : ডিব্ৰুগড় জিলাৰ মৰাণৰ ঝলমৰ 37 নং ৰাষ্ট্ৰীয় ঘাইপথত সোমবাৰে এক ভয়ংকৰ পথ দুৰ্ঘটনা সংঘটিত হৈছে ৷ এই দুৰ্ঘটনাত এজন বাইক আৰোহী থিতাতে নিহত হয় ৷ নিহত যুৱকজন ডিব্ৰুগড়ৰ লেজাই তিনিচুকীয়া ৰাজু বৰা (৩৪) বুলি জানিব পৰা গৈছে ৷ যুৱকজনে AS 23 U 1074 নম্বৰৰ মটৰচাইকেলেৰে শিৱসাগৰ অভিমুখে গৈ থকা অৱস্থাত বিপৰীত দিশৰ পৰা অহা AS 01 JC 9541 নম্বৰৰ টেংকাৰে মহতিয়াই নিয়ে ৷ ফলত থিতাতে নিহত হয় যুৱকজনৰ ৷ 

ঘটনা সংঘটিত হোৱাৰ পাচতেই দুৰ্ঘটনা সংঘটিত কৰা ট্ৰেংকাৰখন জব্দ কৰিছে মৰাণহাট আৰক্ষীয়ে ৷ আৰক্ষীয়ে লোকজনৰ মৃতদেহটো উদ্ধাৰ কৰি মৰণোত্তৰ পৰীক্ষা কৰিবলৈ প্ৰেৰণ কৰিছে ৷ আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ৷ 

লগতে পঢ়ক: Protest against delimitation: মাণিকপুৰত সমষ্টি পুনৰ নিৰ্ধাৰণৰ খচৰাক লৈ বিভিন্ন দল-সংগঠনৰ প্ৰতিবাদ