Bullet to Assam Police: NRLৰ তৰফৰ পৰা তিনিচুকীয়া আৰক্ষীক বুলেট প্ৰদান

তিনিচুকীয়া, ১৬ আগষ্ট: ডিব্ৰুগড় লোকসভা সমষ্টিৰ সাংসদ তথা কেন্দ্ৰীয় মন্ত্ৰী ৰামেশ্বৰ তেলীৰ প্ৰচেষ্টাত নুমলীগড় ৰিফাইনেৰী NRL ৰ তৰফৰ পৰা ডিব্ৰুগড় লোকসভা সমষ্টিৰ ১৮ খনকৈ আৰক্ষী থানাৰ বাবে একোখনকৈ ৰয়েল এণ্ডফিল্ড বুলেট প্ৰদান কৰাৰ সিদ্ধান্ত গ্ৰহণ কৰা হয় ৷ এই অনুসৰি বুধবাৰে তিনিচুকীয়াত ৭ খনকৈ বুলেট প্ৰদান কৰা হয় ৷

ডিব্ৰুগড় লোকসভা সমষ্টিৰ অন্তৰ্গত তিনিচুকীয়া জিলাৰ ৭ খনকৈ আৰক্ষী থানাক বৰগুৰিস্থিত আই টি আই খেলপথাৰত আয়োজিত এক অনুষ্ঠানৰ জৰিয়তে এখনকৈ বুলেট প্ৰদান কৰে কেন্দ্ৰীয় মন্ত্ৰী ৰামেশ্বৰ তেলীয়ে ৷ কেন্দ্ৰীয় মন্ত্ৰী তেলীয়ে ইয়াৰ জৰিয়তে কিছুমান ভিতৰুৱা ঠাইত আৰক্ষীয়ে হঠাৎ প্ৰৱেশ কৰি আইন-শৃংখলা পৰিস্থিতি নিয়ন্ত্ৰণ কৰাত কিছু সুবিধা হ’ব বুলি আশা ব্যক্ত কৰে ৷ উক্ত অনুষ্ঠানত কেন্দ্ৰীয় মন্ত্ৰীগৰাকীৰ লগতে আৰক্ষী অধীক্ষক অভিজিৎ গৌৰৱ দিলীপ, জিলা আয়ুক্ত স্বপ্নীল পাল উপস্থিত থাকে ৷

লগতে পঢ়ক: Assam police BMI test: অগ্নিপৰীক্ষা আৰম্ভ ! তিনিমাহত কিমান মেদ কমালে অসম আৰক্ষীয়ে; 35 টা স্থানত চলিছে পৰীক্ষা