গোলাঘাটত স্বৰ্ণকণ্যা নয়নমণি শইকীয়াক সম্বৰ্ধনা

বাৰ্মিংহামত অনুষ্ঠিত কমনৱেলথ গেমছত(Commonwealth Games 2022)লন বল (Lawn Bowls)ত সোণৰ পদক লাভ কৰি দেশ তথা অসমলৈ গৌৰৱ কঢ়িয়াই অনা নয়নমণি শইকীয়াক বুধবাৰে গোলাঘাটত উষ্ম সম্বৰ্ধনা জ্ঞাপন কৰা হয় । তেওঁ শিক্ষা গ্ৰহণ কৰা মহাবিদ্যালয়খনত জনোৱা হয় সম্বৰ্ধনা । এক গাম্ভীৰ্যপূৰ্ণ অনুষ্ঠানত গোলাঘাট বাণিজ্য মহাবিদ্যালয়ৰ(Felicitation in Golaghat Commerce College)কৰ্তৃপক্ষই স্বৰ্ণকণ্যা নয়নমণিক সম্বৰ্ধনা জ্ঞাপন কৰে(Gold Medalist Nayanmoni Felicitated in Golaghat)। মহাবিদ্যালয়খনৰ ছাত্ৰ-ছাত্ৰী আৰু শিক্ষক-শিক্ষয়িত্ৰীৰ উপস্থিতিত সম্বৰ্ধনা গ্ৰহণ কৰি মহাবিদ্যালয়ত পঢ়ি থকা সময়ৰ স্মৃতি ৰোমন্থন কৰে খেলুৱৈগৰাকীয়ে । খেলৰ প্ৰতি থকা দুৰ্বাৰ হাবিয়াসৰ বাবে মহাবিদ্যালয়ৰ দেৱাল পাৰ হৈ খেলৰ অনুশীলন কৰিবলৈ ঢাপলি মেলিছিল বুলিও কয় নয়নমণিয়ে ।