Murder at Sonari: সোণাৰিত পুত্ৰৰ হাতত প্ৰাণ গ’ল পিতৃৰ

মৰাণ, 23 জুলাই : ৰাজ্যত ক্ৰমাৎ অপৰাধজনিত ঘটনা ভয়ংকৰভাৱে বৃদ্ধি হৈছে ৷ এইবাৰ চৰাইদেউ জিলাৰ সোণাৰিত জঘন্য ঘটনা সংঘটিত হৈছে ৷ কুলাংগাৰ পুত্ৰৰ হাতত প্ৰাণ হেৰুৱালে নিজ পিতৃয়ে ৷ সোণাৰিৰ 6 নং ৱাৰ্ডৰ বানফেৰাত পুত্ৰৰ নৃশংসভাৱে হত্যা কৰিলে পিতৃক ৷ 

জানিব পৰা অনুসৰি, বিচনাত শুই থকা অৱস্থাতে পুত্ৰ প্ৰীতম তাঁতীয়ে কুঠাৰেৰে আক্ৰমণ কৰিছিল পিতৃ বেনীয়া তাঁতীক ৷ পুত্ৰৰ আক্ৰমণত থিতাতে মৃত্যুৰ মুখত পৰে বেনীয়া তাঁতীয়ে ৷  পৰিয়াল কেন্দ্ৰিক সংঘাতৰ বাবেই এই ঘটনা সংঘটিত হোৱা বুলি জানিব পৰা গৈছে ৷ সম্প্ৰতি আৰক্ষীয়ে প্ৰীতম তাঁতীক আটক কৰি সোণাৰি আৰক্ষী থানাত সোধা-পোছা অব্যাহত ৰাখিছে ৷ 

এতিয়ালৈ ঘটনা সন্দৰ্ভত মুখ খোলা নাই প্ৰীতমে ৷ আৰক্ষীয়ে লোকজনৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে ৷ 

লগতে পঢ়ক: Thieves Snatch IPS Cell Phone : গুৱাহাটীত অসুৰক্ষিত খোদ শীৰ্ষ আৰক্ষী বিষয়া!