গুৱাহাটীৰ পৰা অপহৰণ মাতৃসহ তিনি বছৰীয়া সন্তান

গুৱাহাটীৰ মাজমজিয়াত চাঞ্চল্যকৰ অপহৰণৰ ঘটনা (Guwahati kidnap case)। সাতগাঁও অঞ্চলৰ পৰা মাতৃসহ অপহৰণ তিনি বছৰীয়া কন্যাক । পত্নী আৰু সন্তানৰ অপৰহণক লৈ আৰক্ষীৰ কাষ চাপিছে অৰ্দেচ আলী । অভিযোগ অনুসৰি সাতগাঁৱৰ আমবাৰীৰ বাসিন্দা অৰ্দেচ আলীৰ পত্নী আৰু তিনি বছৰীয়া কন্যা সন্তানক যোৱা ১৯ আগষ্টত চুকচান আলী নামৰ এজন যুৱকে কৌশলেৰে অপহৰণ কৰি লৈ যায় (Mother and child kidnapped from Guwahati)। পাছত অপহৃত পত্নীয়ে স্বামী অৰ্দেচক ফোন কৰি অপহৰণৰ বিষয়ে অৱগত কৰে । পত্নীয়ে কোৱা মতে তেওঁলোকক বৰ্ণিহাটত আৱদ্ধ কৰি ৰাখিছে । পত্নীৰ ফোনৰ পাছতে ঘটনা সন্দৰ্ভত অৰ্দেচ আলীয়ে সাতগাঁও থানাত দাখিল কৰে এজাহাৰ । আৰক্ষীয়ে এজাহাৰৰ ভিত্তিত তদন্ত আৰম্ভ কৰিছে যদিও এতিয়ালৈ অপহৃত মহিলা আৰু শিশুটোক উদ্ধাৰ কৰিব পৰা নাই ।