NGO provide boats in Majuli: মাজুলী গুৱালগাঁৱত স্বেচ্ছাসেৱী সংগঠনৰ নাও প্ৰদান

মাজুলী, ১৮ জুন:মাজুলী গুৱালগাঁৱত Save The Children নামৰ  এটা স্বেচ্ছাসেৱী সংগঠনে নাও প্ৰদান কৰে । জিলাখনৰ ভকত চাপৰি আৰু গুৱালগাঁও পহুমৰা অঞ্চলৰ বহু কেইখন গাঁৱৰ ৰাইজ আৰু ছাত্ৰ-ছাত্ৰী সকলৰ যাতায়াতৰ সুবিধাৰ্থে এই নাও প্ৰদান কৰে ।  

মাজুলী জিলাৰ উপায়ুক্ত ড৹ কাবেৰী বি শৰ্মা আৰু বিধায়ক ভুৱন গামে নাওখন শুভ উদ্বোধন কৰি ৰাইজৰ বাবে মুকলি কৰে । এই নাওখনৰ জৰিয়তে উক্ত অঞ্চলটোৰ ছাত্র- ছাত্ৰী সকলৰ লগতে অঞ্চটোৰ সাধাৰণ লোক সকলো যথেষ্ট উপকৃত হ'ব । আনহাতে, ছাত্ৰ-ছাত্ৰসকলে মুখ্যমন্ত্ৰী ড৹হিমন্ত বিশ্ব শৰ্মাক এখন এই স্থানত দলং নিৰ্মাণ কৰিবলৈ আহ্বান জনায় । তেওঁলোকে কয় যে নাও দিয়া বাবে ইয়াৰ জৰিয়তে যথেষ্ট উপকৃত হ'ব । কিন্তু এখন দলং হ'লে আৰু বেছি ভাল হ'ব । কিয়নো নাৱৰ জৰিয়তে একে সময়তে বহু যাত্ৰী পাৰাপাৰ হোৱাটো সম্ভৱ নহয় ।

লগতে পঢ়ক:Erosion in Barpeta: বেঁকী নৈৰ খহনীয়াত বিলীন হোৱাৰ পথত কাছুকাটি চৰ