Theft incident: অৱসৰপ্ৰাপ্ত শিক্ষকৰ পৰা ২ লাখ ৬০ হাজাৰ টকা চুৰি দুৰ্বৃত্তৰ

মাজুলী, 7 আগষ্ট : সত্ৰ নগৰী মাজুলীৰ জেংৰাইমুখত দিন দুপৰতে চোৰৰ উপদ্ৰৱ ৷ মাজুলীৰ মাজৰ দেউৰী গাৱঁৰ কদম্বৰ দেউৰী নামৰ এজন অৱসৰপ্ৰাপ্ত শিক্ষকৰ পৰা ২ লাখ ৬০ হাজাৰ টকা চুৰি কৰি লৈ যায় কোনো দুৰ্বৃত্তই ৷ 

ঘটনা অনুসৰি, সোমবাৰে লোকজনে কমলাবাৰী পঞ্জাৱ নেশ্যনেল বেংকৰ পৰা মোটা অংকৰ ধনখিনি লৈ ঘৰলৈ আহি থকা অৱস্থাত জেংৰাইমুখ তিনি আলিৰ এখন হোটেলত চাহ খাবলৈ সোমাইছিল ৷ তেনেতে তেওঁ বাইকত থৈ যোৱা ধনৰ বেগটো চুৰি কৰি লৈ যায় কোনো দুৰ্বৃত্তই । বেগটোত ২ লাখ ৬০ হাজাৰ টকা আছিল বুলি লোকজনে জানিবলৈ দিয়ে ৷ 

এই ঘটনাৰ পিচতে কদম্বৰ দেউৰীয়ে জেংৰাইমুখ থানাত গোচৰ ৰুজু কৰিছে ৷ সম্প্ৰতি ঘটনাস্থলীত মাজুলী জিলা আৰক্ষী অধীক্ষক, উপ-আৰক্ষী অধীক্ষক আৰু জেংৰাইমুখ আৰক্ষী থানাৰ আৰক্ষী উপস্থিত হৈ ঘটনাৰ তদন্ত আৰম্ভ কৰিছে ।

লগতে পঢ়ক: Passenger ferry stuck in Brahmaputra: ব্ৰহ্মপুত্ৰৰ বুকুত আৱদ্ধ নিমাতী-মাজুলী যাত্ৰীবাহী ফেৰী