নলবাৰী চহৰত ভয়ংকৰ অগ্নিকাণ্ডত ভষ্মীভূত বাসগৃহ

নলবাৰী, ২৬ ডিচেম্বৰ: নলবাৰী চহৰত সংঘটিত হৈছে এক ভয়ংকৰ অগ্নিকাণ্ড । মঙলবাৰে দুটাকৈ চিলিণ্ডাৰ বিস্ফোৰণৰ ফলত ভষ্মীভূত হয় এটি ঘৰ । নলবাৰী চহৰৰ গোপালবজাৰত সংঘটিত হয় এই অগ্নিকাণ্ডৰ ঘটনা । ঘৰত শুই থকা অৱস্থাত অগ্নিকাণ্ডটো সংঘটিত হোৱাত এজন লোক আহত হয় । স্থানীয় ৰাইজে অগ্নিকাণ্ডৰ ঘটনা প্ৰত্য়ক্ষ কৰি অগ্নিনিৰ্বাপক বাহিনীক খবৰ দিয়ে । 

দুটাকৈ চিলিণ্ডাৰ বিস্ফোৰণৰ বাবে জ্ঞানপীঠ কলনীত ভাৰাতীয়া হিচাপে থকা শেৱালি দাসৰ ঘৰটো এই জুইত ভষ্মীভূত হয় । এই ঘটনাত শেৱালি দাসৰ স্বামী হৰেন্দ্ৰ দাস আঘাতপ্ৰাপ্ত হয় । পিচত ঘটনাস্থলীত অগ্নিনিৰ্বাপক বাহিনী আৰু SDRF বাহিনী উপস্থিত হৈ জুই নুমুৱাবলৈ সক্ষম হয় যদিও জুইতসম্পূৰ্ণ ৰূপে জাহ যায় বাসগৃহটোত থকা সকলো সা-সম্পত্তি ।

লগতে পঢ়ক:দুদিনত চাৰিটা এনকাউন্টাৰ অসমত; মুখ্যমন্ত্ৰীয়ে সাংবাদিকক সুধিলে সমস্যা ক’ত ?