চকুৰ সন্মুখতে ছাই হৈ গ’ল সপোনৰ ঘৰখন

হোজাই, ৭ ডিচেম্বৰ : হোজাই জিলাৰ নখুটীত সংঘটিত হৈছে অগ্নিকাণ্ডৰ ঘটনা  । দাওদাওকৈ গোটেইখন জ্বলি শেষ গৈ গ’ল চকুৰ পচাৰতে ৷ বুধবাৰৰ দুপৰীয়া প্ৰায় ১২ মান বজাত সংঘটিত হয় এই অগ্নিকাণ্ডৰ ঘটনা ৷

নখুটীৰ ১ নং মৌজাদাৰ গাঁৱৰ মজিবুৰ ৰহমানৰ ঘৰত সংঘটিত হয় এই অগ্নিকাণ্ড । বৈদ্যুতিক শ্বৰ্ট চাৰ্কিটৰ ফলতেই এই অগ্নিকাণ্ড সংঘটিত হ’ল বুলি সন্দেহ প্ৰকাশ কৰিছে স্থানীয় ৰাইজে । অগ্নিকাণ্ডৰ ফলত লোকজনৰ ঘৰটো সম্পূৰ্ণৰূপে জাহ যায় । ঘৰৰ ভিতৰত থকা সকলো সা-সম্পত্তিৰ লগতে সকলো নথি-পত্ৰ জুইত পুৰি ছাই হৈ যায় । অগ্নিকাণ্ডৰ ফলত আনুমানিক ৮ পৰা ১০ লাখ টকা মূল্যৰ সামগ্ৰী ক্ষতিগ্ৰস্ত হয় বুলি জানিবলৈ দিয়ে পৰিয়ালৰ লোকে ।

লগতে পঢ়ক : Massive fire breaks out:বিধ্বংসী অগ্নিকাণ্ড, একো বচাবলৈ নাপালে গৃহস্থই