Fire Incident : ফটকাৰ ফিৰিঙতি ছিটিকি দেৱালীৰ নিশা গোলাঘাটত ভয়ংকৰ অগ্নিকাণ্ড

গোলাঘাট, 13 নৱেম্বৰ: দেৱালীৰ নিশা গোলাঘাটৰ আঠাবাৰীত ভয়ংকৰ অগ্নিকাণ্ড । জুইত জাহ গ'ল তিনিটাকৈ বাসগৃহ আৰু এখন ব্যৱসায়িক প্ৰতিষ্ঠান । সামান্য পৰিমাণে ক্ষতিগ্ৰস্থ হৈছে আন এখন দোকান । অগ্নিকাণ্ডৰ ফলত বিজিত পাল, ৰিংকু পাল আৰু নাৰায়ণী দাস, বিজয় লক্ষ্মী দাস,আৰু প্ৰবীৰ দাস নামৰ লোককেইজনৰ বাসগৃহ জ্বলি যায় বুলি জানিব পৰা গৈছে ।

বোমা-ফটকাৰ ফিৰিঙতি ছিটিকি অগ্নিকাণ্ড হোৱাৰ সন্দেহ প্ৰকাশ কৰিছে ৰাইজে । এই অগ্নিকাণ্ডৰ ফলত কেইবা লাখ টকাৰ সা-সামগ্ৰী ধ্বংস হয় বুলি জানিব পৰা গৈছে । ঘটনাস্থলীত গোলাঘাটৰ পৰা অগ্নি নিৰ্বাপক বাহিনীৰ বাহন উপস্থিত হয় যদিও দূৰত্ব অধিক হোৱাৰ বাবে আহি পোৱাত পলম হয় বাহনসমূহ, যিয়ে স্থানীয় লোকৰ মাজত ক্ষোভৰ সৃষ্টি কৰা পৰিলক্ষিত হৈছে । 

অতি শীঘ্ৰে কমাৰবন্ধা অঞ্চলত অগ্নি নিৰ্বাপক বাহিনীৰ এটা উপ-কেন্দ্ৰ স্থাপনৰ বাবে দাবী জনাইছে ৰাইজে । বহু সময়ৰ অন্তত জুইকুৰা নিৰ্বাপিত হয় বুলি জানিব পৰা গৈছে ।

লগতে পঢ়ক: Public Protest at Chachal: দীপাৱলীৰ বন্তি জ্বলাই শিলসাঁকোৰ উচ্ছেদিতই কামনা কৰিলে চৰকাৰৰ সুমতি