Fake Journalist Cum Herbal Doctor Arrested :মঙলদৈত ভণ্ড কবিৰাজ গ্ৰেপ্তাৰ

মঙলদৈ,25 জুলাই: মঙলদৈৰ গেৰিমাৰিত গ্ৰেপ্তাৰ ভুৱা সাংবাদিক তথা ভণ্ড কবিৰাজক ৷ ভণ্ড কবিৰাজ মুক্তাৰুল ইছলাম ওৰফে মুকুট দেৱানক মঙলবাৰে মঙলদৈৰ গেৰিমাৰিৰ পৰা গ্ৰেপ্তাৰ কৰে আৰক্ষীয়ে ৷ ভণ্ড কবিৰাজ মুকুট দেৱানৰ পৰা উদ্ধাৰ কৰা হৈছে ব্যক্তিগত ছেটেলাইট চেনেলৰ সাংবাদিকৰ ভুৱা পৰিচয় পত্ৰও ৷

প্ৰাপ্ত তথ্যমতে এগৰাকী যুৱতীৰ বিৰুদ্ধে বিভিন্ন ষড়যন্ত্ৰত লিপ্ত হৈছিল ভণ্ড কবিৰাজ মুকুট ৷ সেয়ে বিভিন্ন ষড়যন্ত্ৰৰ অভিযোগ তুলি যুৱতীগৰাকীয়ে গোচৰ তৰিছিল ৷ সেই গোচৰৰ ভিত্তিত মঙলবাৰে মঙলদৈ আৰক্ষীয়ে তদন্ত চলাইছিল ৷ মঙলদৈৰ গেৰিমাৰিৰ নিজা বাসগৃহৰ পৰা গ্ৰেপ্তাৰ কৰে ভণ্ড কবিৰাজজনক ৷ ভণ্ড কবিৰাজ মুক্তাৰুল ইছলাম ওৰফে মুকুট দেৱানৰ বাসগৃহৰ পৰা 8 খন বিভিন্ন বেংকৰ পাচবুক, দুখন ভিন্ন ঠিকনাৰ ভোটাৰ পৰিচয় পত্ৰসহ বহু আপত্তিজনক নথিপত্ৰ উদ্ধাৰ কৰে ৷

লগতে পঢ়ক:Duplicate Potash seized : অবৈধ সাৰ কাৰখানাত ধূলা আৰক্ষীৰ অভিযান