Man died of electric shock: বিদ্যুৎস্পৃষ্ট হৈ এজন লোকৰ মৃত্যু

হোজাইৰ জোৰপুখুৰীত অঘটন ৷ নিজৰ ঘৰৰ বিদ্যুৎ সংযোগী তাঁৰত লাগি থকা গছৰ ডাল কাটিবলৈ মৃত্যু হয় শীতল দাস (60) নামৰ এজন লোকৰ ৷ বিদ্যুৎ বিভাগৰ চৰম গাফিলতিৰ বাবে উক্ত ঘটনাটো হৈছে বুলি মন্তব্য প্ৰকাশ কৰে স্থানীয় লোকে ৷ বিদুৎ বিভাগক কেইবাবাৰো বিদুৎ সংযোগী গছৰ ডালি কাটিবলৈ স্থানীয় ৰাইজে আবেদন কৰিছিল যদিও কাণসাৰ কৰা নাছিল বিভাগীয় কৰ্তৃপক্ষই ৷ উপায়ন্তৰ হৈ শীতল দাসে নিজে গছৰ ডালটো কাটিবলৈ যাওঁতেই এই ঘটনা সংঘটিত হয় ৷ ইতিমধ্যে ঘটনাস্থলীত শংকৰদেৱনগৰ আৰক্ষী উপস্থিত হৈ লোকজনৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে ৷