New Liquor license in Assam: মদ খুৱাই নিৰ্বাচনী প্ৰতিশ্ৰুতিৰ কথা পাহৰাব বিচাৰিছে চৰকাৰে : কমলাক্ষ দে’ পুৰকায়স্থ

প্ৰতিশ্ৰুতি অনুসৰি বিজেপি চৰকাৰে চাকৰি প্ৰদান কৰিব নোৱাৰিলে ৷ চাকৰিৰ পৰিৱৰ্তে অসমৰ ল’ৰাৰ হাতত সুৰাৰ বটল দিছে চৰকাৰে (New Liquor license in Assam)৷ এই মন্তব্য কংগ্ৰেছ দলৰ বিধায়ক কমলাক্ষ দে' পুৰকায়স্থৰ ৷ অসম চৰকাৰে সুৰা বিপনীৰ অনুজ্ঞাপত্ৰ বৃদ্ধি কৰাৰ সিদ্ধান্তৰ সন্দৰ্ভত তেজপুৰত প্ৰতিক্ৰিয়া প্ৰকাশ কৰে বিধায়কগৰাকীয়ে ৷ তেওঁ কয় যে, নিৰ্বাচনৰ সময়ত বিজেপিয়ে দেখুওৱা সপোন বাস্তৱায়িত কৰিব পৰা নাই (BJP manifesto)৷ সেই প্ৰতিশ্ৰুতিসমূহ যাতে ৰাইজে পাহৰি থাকিব পাৰে তাৰ বাবেই চৰকাৰে সকলোকে মদ খুওৱাৰ ব্যৱস্থা কৰা বুলি তাচ্ছিল্য কৰে কমলাক্ষ দে' পুৰকায়স্থই (MLA Kamalakhya Dey Purkayastha)৷ লগতে তেওঁ অসমৰ ল’ৰা-ছোৱালীৰ ভৱিষ্যত অন্ধকাৰলৈ ঠেলি দিয়া বুলি চৰকাৰৰ বিৰুদ্ধে অভিযোগ উত্থাপন কৰে ৷