Murder case : আজান দি থকাৰ সময়তে ইমামক ডিঙি কাটি হত্যা

তিনিচুকীয়া, ৫ নৱেম্বৰ: দেওবাৰে পুৱা মাকুম কলাবাৰীস্থিত মছজিদত এক লোমহৰ্ষক হত্যাকাণ্ডৰ ঘটনা সংঘটিত হয়  ৷ মছজিদৰ ইমাম তেজীব্বুৰ ইছলামে (৫৫)নামাজ পঢ়ি থকাৰ সময়তে ডিঙি ৰেপি হত্যা কৰে কোনো দুৰ্বৃত্তয়ে । 

প্ৰত্যক্ষদৰ্শীয়ে জানিব দিয়া অনুসৰি, পুৱা ৪ বজাত আজান দিবলৈ আহিছিল ইমামগৰাকীয়ে। আজান দিয়াৰ পাচতেই বহি থকাৰ সময়ত পিচফালৰ পৰা এখন দাৰে ডিঙি ৰেপি হত্যা কৰে অচিনাক্ত দুৰ্বত্তই ৷ লোকজনক বচাবলৈ চেষ্টা কৰিও বচাব নোৱাৰিলে প্ৰত্যক্ষদৰ্শীয়ে ।

মৃত ইমামজনৰ ঘৰৰ বিহাৰত বুলি জানিবলৈ দিয়ে স্থানীয় ৰাইজে । পৰৱৰ্তী সময়ত ঘটনাস্থলীত মাকুম আৰক্ষী থানাৰ আৰক্ষী দল উপস্থিত হৈ মৃতদেহটো উদ্ধাৰ কৰে ৷ আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ৷ এই ঘটনাই সমগ্ৰ অঞ্চলত তীব্ৰ প্ৰতিক্ৰিয়াৰ সৃষ্টি কৰিছে ৷ এতিয়ালৈ হত্যাকাৰীৰ সন্ধান ওলোৱা নাই ৷

লগতে পঢ়ক: Youth missing: মহানগৰীৰ গনেশপাৰাত যুৱক নিৰুদ্দেশৰ ঘটনা