Illegal Timber Seized: ওঠৰ মাইলত চোৰাং কাঠসহ এখন গাড়ী জব্দ

ৰঙাপৰা, 20 জুলাই: অসমৰ বনাঞ্চল ধ্বংস কৰি একাংশ লোকে অব্যাহত ৰাখিছে কাঠৰ চোৰাং সৰবৰাহ ৷ বন বিভাগৰ চকুত ধূলি দি একাংশ লোকে অসমৰ ভিন্ন প্ৰান্তত সৰবৰাহ কৰি আহিছে চোৰাং কাঠ ৷ শোণিতপুৰ জিলাত চোৰাং কাঠৰ সৰবৰাহ হৈ থকাৰ সময়তে চাৰিদুৱাৰ আৰক্ষী থানাৰ অন্তৰ্গত ওঠৰ মাইলত জব্দ কৰে চোৰাং কাঠসহ এখন গাড়ী ৷ 

চাৰিদুৱাৰ আৰক্ষীয়ে এক গোপন সূত্ৰৰ পম খেদি জব্দ কৰে চোৰাং কাঠখিনি । AS 12 AC 7948 নম্বৰৰ এখন পিকআপ ভানেৰে কাঠখিনি সৰবৰাহ কৰি থকা অৱস্থাত আৰক্ষীয়ে জব্দ কৰিবলৈ সক্ষম হয় ৷ আৰক্ষীয়ে আটক কৰে জামালুদ্দিন নামৰ এজন লোকক। 

ইতিমধ্যে জব্দকৃত কাঠসহ গাড়ীখন আৰক্ষীয়ে চমজাই দিয়ে চাৰিদুৱাৰ আঞ্চলিক বন কাৰ্যালয়ক। জব্দকৃত কাঠৰ মূল্য প্ৰায় ৫০ হাজাৰ টকা হ’ব বুলি বন বিভাগৰ সূত্ৰত প্ৰকাশ।

লগতে পঢ়ক: Drug Peddler detained : হেৰ’ইন, আফিংসহ এজনক আটক