Drug Smuggler Arrested: 21 কোটি টকাৰ হেৰ’ইনসহ আমিৰ খান আৰক্ষীৰ জালত; ইয়াকুব আৰু জামিৰকো আটক

গুৱাহাটী,11 ছেপ্টেম্বৰ : যোৰাবাটত পুনৰ বৃহৎ পৰিমাণৰ হেৰ’ইন জব্দ । গোপন খবৰৰ ভিত্তিত যোৰাবাট আৰক্ষীয়ে অভিযান চলাই এখন বাহনৰ পৰা 198 পেকেট হেৰ‌’ইন জব্দ কৰে ৷ 

জানিব পৰা মতে নিশা যোৰাবাট আৰক্ষীয়ে এক গোপন সূত্ৰৰ পমখেদি চলোৱা এক অভিযানত যোৰাবাটত এখন বাহন জব্দ কৰে । জব্দকৃত বাহনখনত তালাচী চলোৱাত বাহনখনৰ বিভিন্ন ঠাইত কৌশলেৰে লুকুৱাই অনা অৱস্থাত আৰক্ষীয়ে উদ্ধাৰ কৰে 198 পেকেট হেৰ‌’ইন । জব্দকৃত বাহনখনৰ নম্বৰ হৈছে NL 01 CA 1197 ৷ ইফালে বাহনখনত অহা তিনি সৰবৰাহকাৰীক আটক কৰে আৰক্ষীয়ে ৷

উল্লেখ্যে যে, মণিপুৰৰ পৰা গুৱাহাটী অভিমুখে হেৰ’ইনখিনি লৈ আহিছিল তিনি সৰবৰাহকাৰীয়ে ৷ আটকাধীন তিনি সৰবৰাহকাৰী কেইটা আমিৰ খান, মহম্মদ ইয়াকুব আৰু মহম্মদ জামিৰ বুলি জানিব পৰা গৈছে । জব্দকৃত হেৰ’ইনখিনিৰ ওজন প্ৰায় 2.5 কিঃগ্ৰাম হ’ব ৷ হেৰ’ইনখিনৰ বজাৰমূল্য প্ৰায় 21 কোটি টকা হ'ব বুলি জানিব পৰা গৈছে ।

লগতে পঢ়ক: Protest at Khanapara: প্ৰাপ্য বঞ্চিত ৰান্ধনী সহায়িকাৰ দিছপুৰ ঘেৰাও কাৰ্যসূচী