House Caught Fire at Kaliabor: ধূপকাঠিৰ ফিৰিঙতিয়ে চাৰখাৰ কৰিলে এখন ঘৰ

জুইৰ লেলিহান শিখাই নিমিষতে ভষ্মীভূত কৰিলে এটি বাসগৃহ (House Caught Fire at Kaliabor) ৷ একুৰা জুইত সৰ্বস্বান্ত কলিয়াবৰৰ এটি দৰিদ্ৰ পৰিয়াল ৷ এডাল ধূপকাঠিৰ ফিৰিঙতিয়ে চাৰখাৰ কৰিলে কলিয়াবৰৰ লখনাবন্ধাৰ যাদৱ দাসৰ বাসগৃহ । কথমপি প্ৰাণ ৰক্ষা পৰে পত্নী দীপা দাস আৰু প্ৰায় এবছৰীয়া সন্তানটিৰ । কৰ্মসূত্ৰে স্বামীয়ে অৰুণাচলত দিন হাজিৰা কাম কৰে ৷ অকলশৰীয়া মহিলাগৰাকীয়ে এতিয়া সন্তানক লৈ দিকবিদিক হেৰুৱাৱলগীয়া পৰিস্থিতিৰ সৃষ্টি হৈছে । সা-সম্পত্তি, খাদ্য-সামগ্ৰী, আচবাব সকলো পুৰি ছাঁই হয় অগ্নিকাণ্ডৰ ফলত । অগ্নি নিৰ্বাপক বাহিনীয়ে জুই নুমুৱাবলৈ চেষ্টা কৰে যদিও জুইৰ লেলিহান শিখাই পুৰি ভষ্মীভূত কৰে বাসগৃহটো । দিশহাৰা মহিলাগৰাকীয়ে সন্তানক কোলাত লৈ ৰাইজৰ সহায় বিচাৰিছে ৷