মহানগৰীত সন্ধানহীন স্কুলীয়া ছাত্ৰ

গুৱাহাটী, ২৫ নৱেম্বৰ : মহানগৰীত সন্ধানহীন হৈছে এজন স্কুলীয়া ছাত্ৰ । কামৰূপ একাডেমীৰ দশম শ্ৰেণীৰ ছাত্ৰ ৰূপজ্যোতি শৰ্মা সন্ধানহীন হৈ আছে । CCTV ত বন্দী হৈছে নিৰুদ্দেশ হোৱা ৰূপজ্যোতি শৰ্মা ওলাই যোৱাৰ দৃশ্য ।

কামৰূপ একাডেমীৰ দশম শ্ৰেণীৰ ছাত্ৰ ৰূপজ্যোতি । যথেষ্ট অমায়িক স্বভাৱৰ ৰূপজ্যোতিৰ কাৰোৰে সৈতে কাজিয়া-পেচাল নাই বুলি মাতৃয়ে জানিবলৈ দিয়ে ৷ মাতৃৰ মন্তব্য অনুসৰি, কালি দিনৰ আঢ়ৈ মান বজাত টিউচনলৈ গৈছিল ৰূপজ্যোতি । প্ৰায় ৪ মান বজাত টিউচনৰ পৰা উভতি আহিছিল ঘৰলৈ । তাৰ পিচতে ঘৰৰ পৰা ওলাই গৈছিল ৰূপজ্যোতি । বিয়লি ৪.২৮ মিনিটত বেলেগ এফালে গুচি যায় ৰূপজ্যোতি । ৰূপজ্যোতিৰ লগত নাই মোবাইল । পৰিয়ালৰ সম্বন্ধীয় লোক,বন্ধু বৰ্গৰ সৈতে যোগাযোগ কৰিও বৰ্তমানলৈকে সন্ধান উলিয়াব পৰা নাই ৰূপজ্যোতিৰ । ঘটনা সন্দৰ্ভত লতাশিল থানাত এজাহাৰ দাখিল কৰিছে পৰিয়ালৰ লোকে ।

লগতে পঢ়ক : ধিক মানৱতা ! ৰাজহুৱা স্থানত গুৰুলা গুৰুলকৈ প্ৰহাৰ এগৰাকী বৃদ্ধাক