পৰীক্ষা দিবলৈ গৈ সন্ধানহীন ছাত্ৰী

হোজাই, 18 ডিচেম্বৰ : কলেজলৈ পৰীক্ষা দিবলৈ গৈ নিখোঁজ ছাত্ৰী ৷ হোজাই জিলাৰ তিনিআলি আৰক্ষী পহৰা চকীৰ অন্তৰ্গত উদালী বৰজহা গাঁৱৰ অতাবুৰ ৰহমানৰ কন্যা চিদ্দিকা বেগম শনিবাৰৰ পৰা নিৰুদ্দেশ হৈ আছে ৷ পৰিয়ালৰ লোকে লংকাৰ আত্মীয়ৰ ঘৰত বিচাৰ খোঁচাৰ কৰা পিচতো কন্যাৰ পোৱা নাই পৰিয়ালৰ লোকে ৷ ইতিমধ্যে এই ঘটনা সন্দৰ্ভত উদালী পহৰা চকীত পৰিয়ালৰ লোকে এজাহাৰ দাখিল কৰিছে ৷ 

কিন্তু আজি 48 ঘন্টা পাৰ হৈ যোৱা পিচতো আৰক্ষীয়ে নিৰুদ্দেশ হোৱা ছাত্ৰীগৰাকীৰ সন্ধান উলিয়াব নোৱাৰাত পৰিয়ালৰ লোকে কাষ চাপে সংবাদমাধ্যমৰ ৷ 

ছাত্ৰীগৰাকীৰ পিতৃৰ ভাষ্য অনুসৰি, প্ৰত্যক্ষদৰ্শীয়ে কোৱা অনুসৰি, ছাত্ৰীগৰাকীক কোনো দুজন যুৱকে চাৰিচকীয়াই বাহনত উঠাই লৈ গৈছে ৷

সোমবাৰে সংবাদ মাধ্যমৰ সন্মুখত দুৰ্ভগীয়া পিতৃয়ে কোনো সদাশয় লোকে তেওঁৰ কন্যাৰ সন্ধান পালে 8011662028 নম্বৰত যোগাযোগ কৰিবলৈ আহ্বান জনায় ৷

লগতে পঢ়ক: মহানগৰীৰ লাল গণেশত বিধ্বংসী অগ্নিকাণ্ড, নিমিষতে ছাঁই হ’ল বহু সম্পত্তি