Ganja seized: নগাঁৱত বুজন পৰিমাণৰ গাঞ্জাসহ সৰবৰাহকাৰীক আটক

নগাঁও,৪ আগষ্ট: ড্ৰাগছকে ধৰি বিভিন্ন অপৰাধৰ বিৰুদ্ধে নগাঁও আৰক্ষীয়ে ধাৰাবাহিক অভিযান অব্যাহত ৰখাৰ সময়তে নগাঁৱত পুনৰ জব্দ হৈছে বুজন পৰিমাণৰ নিচাজাতীয় সামগ্ৰী । নগাঁৱৰ পৰা বহিঃৰাজ্যলৈ সৰবৰাহৰ সময়তে নগাঁও আৰক্ষীৰ তৎপৰতাত জব্দ হয় বুজন পৰিমাণৰ গাঞ্জা ।  

নগাঁৱৰ ধিঙৰ ইয়াজুল ইছলাম নামৰ এজন যুৱকে শুক্ৰবাৰে নগাঁওৰ পৰা চেন্নাই অভিমুখী ৰে'লৰ জৰিয়তে চেন্নাইলৈ গাঞ্জা সৰবৰাহৰ চেষ্টা চলাই । কিন্তু নগাঁও আৰক্ষীয়ে এই খবৰ এক গোপন সূত্ৰে লাভ কৰি নগাঁও ৰে'ল ষ্টেচনৰ পৰাই গাঞ্জাসহ সৰবৰাহকাৰীক আটক কৰিবলৈ সক্ষম হয় ।  

নগাঁও আৰক্ষীৰ অপৰাধ শাখাৰ অতিৰিক্ত আৰক্ষী অধীক্ষক পাৰ্থপ্ৰতীম শইকীয়া আৰু অতিৰিক্ত সদৰ আৰক্ষী অধীক্ষক সুপ্ৰতীভ লাল বৰুৱাৰ নেতৃত্বত আৰক্ষীৰ এটা দলে শুক্ৰবাৰে দুপৰীয়া নগাঁও ৰে'ল ষ্টেচনত অভিযান চলাই ২৫ কিলোগ্ৰাম গাঞ্জা জব্দ কৰিবলৈ সক্ষম হয় । লগতে বহিঃৰাজ্যলৈ বুজন পৰিমাণৰ গাঞ্জা সৰবৰাহৰ চেষ্টা চলোৱা ধিঙৰ ইয়াজুল ইছলামকো আটক কৰিবলৈ সক্ষম হয় আৰক্ষীৰ দলটোৱে । 

লগতে পঢ়ক: Kishor Kumar Bday Spcl: হাজাৰ কণ্ঠে কিশোৰ ! পাঁচ সহস্ৰাধিক অনুৰাগীয়ে একেলগে গালে কিশোৰ কুমাৰৰ যুগজয়ী গীত