দেৰগাঁৱৰ শোকাৱহ পথ দুৰ্ঘটনা : GMCH ত চিকিৎসাধীন চাৰিগৰাকীৰ অৱস্থা সুস্থিৰ

গুৱাহাটী, 4 জানুৱাৰী : গুৱাহাটী মেডিকেল কলেজত ভৰ্তি কৰোৱা চাৰিজন ৰোগীৰ অৱস্থা বৰ্তমান সুস্থিৰ ৷ এই কথা জনাইছে গুৱাহাটী চিকিৎসা মহাবিদ্যালয়ৰ অধীক্ষক অভিজিৎ শৰ্মাই ৷

দেৰগাঁৱৰ ভয়ংকৰ পথ দুৰ্ঘটনা সন্দৰ্ভত GMCH ৰ অধীক্ষক অভিজিৎ শৰ্মাই কয় "বুধবাৰে নিশা 3 জন‌ ৰোগীক অনা হৈছে ৷ বৃহস্পতিবাৰে পুৱা অৰূপ শ‌ইকীয়াক অনা হৈছে ৷ গুৱাহাটী মেডিকেল কলেজত ভৰ্তি কৰোৱা চাৰিজন ৰোগীয়ে বৰ্তমান সংকটমুক্ত ৷ প্ৰীতি শইকীয়াই অহাৰ পিছত এবাৰ সংজ্ঞা হেৰুৱাইছিল আৰু নাকেৰে ব্লিডিং হৈছিল, এতিয়া সুস্থিৰ ৷ ‌প্ৰীতি শইকীয়াৰ প্লাষ্টিক চাৰ্জাৰী কৰিব লাগিব ৷ মৃদুল শ‌ইকীয়াৰ কামি হাড় ভাঙিছে আৰু মূৰত আঘাত পাইছিল ৷ বৰ্তমান তেওঁ সংকটমুক্ত ৷"

ইফালে আন এগৰাকী আহত কুলুমণি শ‌ইকীয়াৰ সোঁফালে কামিহাড় ভাঙিছে বুলি জনায় অধীক্ষকজনে ৷ লগতে অৰূপ শ‌ইকীয়াৰ ভৰিৰ হাড়, পিঠিৰ হাড় ভাঙিছে ৷ অৰূপ শ‌ইকীয়া আৰু মৃদুল শ‌ইকীয়াৰ আঘাত অলপ বেছি বুলি কয় তেওঁ ৷ প্ৰীতি শ‌ইকিয়াৰ প্লাষ্টিক চাৰ্জাৰীৰ ব্যৱস্থা সোনকালেই কৰা হ’ব বুলি জানিবলৈ দিয়ে তেওঁ ৷ আটাইকেইজনৰ চিকিৎসা সম্পূৰ্ণ বিনামূলীয়া হ'ব ৷ 

লগতে পঢ়ক : গুৱাহাটীৰ পৰা যোৰহাট চিকিৎসা মহাবিদ্যালয়লৈ অনা হ’ব বিশেষজ্ঞ চিকিৎসক-স্বাস্থ্যমন্ত্ৰী