Foundation Day of Bodo Cultural Forum:বড়ো সাংস্কৃতিক মঞ্চৰ প্ৰতিষ্ঠা দিৱসত কৰ্মশালা সন্দৰ্ভত আলোচনা

জোনাই,২০ জুলাই: ধেমাজি জিলা সমিতিৰ উদ্যোগত সানজাৰি নৌগৌৰৰ চিমেন চাপৰি খৈৰুগুৰীত বৃহস্পতিবাৰে সদৌ বড়ো সাংস্কৃতিক মঞ্চৰ ৩২ সংখ্যক প্ৰতিষ্ঠা দিৱস উদযাপন কৰা হয় । পুৱা পতাকা উত্তোলন কৰে ধেমাজি জিলা বড়ো সাংস্কৃতিক মঞ্চৰ সভাপতি নাথুৰাম মুছাহাৰীয়ে । ইয়াৰ পাছতে দিনৰ ১ বজাৰ পৰা এখন সভা জিলা সভাপতিৰ সভাপতিত্বত অনুষ্ঠিত হয় ।

ধেমাজি জিলা বড়ো সাংস্কৃতিক মঞ্চৰ সাধাৰণ সম্পাদক অজিত বসুমতাৰীয়ে আঁতধৰা অনুষ্ঠানটোত চিমেন চাপৰি খৈৰুগুৰীত সদৌ বড়ো সাংস্কৃতিক মঞ্চৰ ধেমাজি জিলা সমিতি আৰু চিমেন আঞ্চলিক সমিতিৰ স্থায়ী কাৰ্যালয় নিৰ্মাণ কৰা আৰু খাম, চিফুং, ছেৰজা, জাপচিৰিং,জথা,বাগুৰুম্বা আদি বড়ো লোক কৃষ্টি, লোক নৃত্য,লোক বাদ্যৰ কৰ্মশালা সন্দৰ্ভত আলোচনা কৰা হয় । এই সভাত সদৌ বড়ো সাংস্কৃতিক মঞ্চৰ জোনাই, মধ্য জোনাই আৰু চিমেন আঞ্চলিক সমিতিৰ সভাপতি, সাধাৰণ সম্পাদক তথা বিষয়ববীয়াসকল উপস্থিত থাকে।

লগতে পঢ়ক:ABSU PROTEST: বড়োলেণ্ড বিঃবিঃৰ উপাচাৰ্য লাইশ্ৰাম লাড্ডু সিঙক অপসাৰণৰ দাবীত এবছুৰ প্ৰতিবাদ