Foresters shoot poachers: পেঙেৰীত বনদস্যুক লক্ষ্য কৰি বনবিভাগৰ গুলীচালনা

তিনিচুকীয়া, ৮ ছেপ্টেম্বৰ: দীৰ্ঘদিন ধৰি তিনিচুকীয়া জিলাৰ টেকেৰী বনাঞ্চলত বনদস্যুয়ে বনধ্বংস যজ্ঞ চলাইছে ৷ ফলত বৃহস্পতিবাৰে পুৱতি নিশা বনদস্যুক লক্ষ্য কৰি বনবিভাগে বনাঞ্চলৰ ভিতৰত এক অভিযান চলাই ৷

ডুমডুমা বন সংমণ্ডলৰ অধীনত থকা খাটাংপানী বনাঞ্চলিক বিষয়াসহ এটা দলে টেকেৰী বনাঞ্চলত চেঞ্চৰ লগাই মূল্যবান গছ কাটি থকাৰ তথ্য লাভ কৰি বহু গভীৰ অঞ্চলত অভিযান চলাই ৷ কিন্তু বনবিভাগৰ লোক যোৱাৰ উমান পাই বনদস্যুৰ দলটোৱে আন্ধাৰৰ সুযোগ লৈ পলায়ন কৰিবলৈ চেষ্টা কৰোঁতেই বনকৰ্মীয়ে বনদস্যুক লক্ষ্য কৰি দুই জাইকৈ গুলী চলায় ৷ অৱশ্যে এতিয়ালৈকে বনকৰ্মীৰ গুলীত কোনো বনদস্যুৰ হতাহতি খবৰ লাভ কৰা নাই যদিও অভিযানকাৰী দলটোৱে বনদস্যুৰ দলটোৱে এৰি পলায়ন কৰা কিছু সজুঁলি জব্দ কৰে ৷

বন বিষয়া শ্ৰৱণ শইকীয়াৰ নেতৃত্বত টেকেৰী বনাঞ্চলত চলোৱা এই বিশেষ অভিযানত বনকৰ্মীৰ দলটোৱে দুটাকৈ গছ কাটিবলৈ ব্যৱহাৰ কৰা চেন্সৰ আৰু কিছু সামগ্ৰী জব্দ কৰিবলৈ সক্ষম হয় ৷

লগতে পঢ়ক: Ganja smugglers arrested: জোনাই নগৰীয়া কেম্পত গাঞ্জাসহ আটক সৰবৰাহকাৰী