Drunk Police in Tezpur: মহালয়া বুলি ডিঙিলৈকে গিলি আপোন-পাহৰা হ’ল আৰক্ষী জোৱান

তেজপুৰ, ১৪ অক্টোবৰ : সুৰাৰ ৰাগীত মাতাল এজন খাকী পেন্ট পৰিহিত আৰক্ষী জোৱান ৷ কাৰণ পূজা লাগিছে গাত । যিহেতু আজি মহালয়া, গতিকে এটুপি ভালকৈয়ে গিলিলে, সেয়ে হাতত সুৰাৰ বটল লৈ ৰাজপথতে কৰিলে অভব্য আচৰণ । প্ৰথমে এখন গাড়ীত ভেজা দি কোনোমতে থিয় হৈ আছিল, কিন্ত তাৰ পাছতে ৰাজপথত ঢলি পৰিল । তেজপুৰ আৰক্ষীৰ লোকজনে মাজে-সময়ে কৰ্তব্যলৈ যায় যদিও প্ৰায়ে নিলম্বিত হৈ থাকে । তেজপুৰ সদৰ আৰক্ষী থানাৰ নাতিদূৰৈত এখন সুৰাৰ বিপণিৰ কাষত শনিবাৰে সন্ধিয়াতে মাতাল হৈ পৰে আৰক্ষীৰ লোকজন । সুৰাৰ ৰাগীত তেওঁ কি কৰিছে নিজেই নাজানে । অৱশেষত খবৰ দিয়াত আৰক্ষী আহি উপস্থিত হ’ল ৷ কিন্তু তেওঁ ৰাজপথ এৰি যাবলৈ মন নকৰে । কিন্তু কি হ’ব !  আৰক্ষীয়েতো আঁতৰাই নিবই লাগিব । অৱশেষত আৰক্ষীয়ে তেওঁক দাঙি নি এখন ই-ৰিক্সাত বহুৱাই উক্ত স্থানৰ পৰা আঁতৰাই নিয়ে । অৱশ্যে উক্ত সময়ত আৰক্ষী জোৱানজন কৰ্তব্যৰত অৱস্থাত নাছিল ৷

লগতে পঢ়ক: Mahalaya 2023 : মহালয়া উপলক্ষে লোকাৰণ্য তেজপুৰৰ ঐতিহাসিক মহাভৈৰব মন্দিৰৰ প্ৰাংগন