কণ্টেইনাৰসহ ড্ৰাগছ আসক্ত যুৱকক কৰায়ত্ত কৰিলে ৰাইজে

তেজপুৰ, 13 ডিচেম্বৰ : তেজপুৰ সদৰ আৰক্ষী থানাৰ অন্তৰ্গত বাৰীকা চুবুৰীত স্থানীয় লোকে হাতে লোটে কৰায়ত্ত কৰিলে এটা ড্ৰাগছ আসক্তক ৷ মঙলবাৰে আচলম খান নামৰ ড্ৰাগছ আসক্তটোত স্থানীয় লোকৰ সহযোগত হাতে লোটে আটক কৰি আৰক্ষীক গতাই দিয়ে ৷

স্থানীয় লোকে বিগত কেবাদিনো ধৰি আচলমক নিৰীক্ষণ কৰি আছিল । পেছাত ই-ৰিক্সা চালক আচলম ৷ খানে পূৰ্বতেও ড্ৰাগছৰ ব্যৱহাৰ কৰি গ্ৰেপ্তাৰ হৈছিল বুলি স্থানীয় লোকে জানিবলৈ দিয়ে । 

স্থানীয় লোকে আচলমৰ পৰা এটা কণ্টেইনাৰ জব্দ কৰে । ইফালে আচলমে জনোৱা অনুুসৰি, 1800 টকা দি তেওঁ নিজে সেৱন কৰিবৰ বাবে ড্ৰাগছখিনি ক্ৰয় কৰিছিল ৷ লগতে তেওঁ বহু বছৰ ধৰি ড্ৰাগছৰ ব্যৱসায় কৰি আহিছে বুলি স্থানীয় লোকে অভিযোগ উত্থাপন কৰিছে ৷

লগতে পঢ়ক: মহানগৰীত ইখনৰ পিচত সোণৰ নাও জব্দ, দুই সৰবৰাহকাৰী আটক