HSLC exam paper leak: শিক্ষামন্ত্রীৰ পদত্যাগৰ দাবী অসম জাতীয়তাবাদী যুৱ পৰিষদৰ

ধেমাজি, 14 মাৰ্চ : 13 মাৰ্চত অনুষ্ঠিত হ’বলগীয়া হাইস্কুল শিক্ষান্ত পৰীক্ষাৰ বিজ্ঞানৰ পৰীক্ষাৰ প্ৰশ্ন কাকত ফাদিল হোৱাৰ পিছতে ছেবাৰ লগতে ৰাজ্যৰ শিক্ষামন্ত্ৰীগৰাকীৰ বিৰুদ্ধে জাঙুৰ খাই উঠে ৰাজ্যৰ বিভিন্ন মহল ৷ প্ৰশ্নকাকত ফাদিল তথা পৰীক্ষা বাতিল হোৱাৰ খবৰ বিয়পি পৰাৰ পিছতে ৰাজ্যজুৰি বিভিন্ন দল সংগঠনে শিক্ষামন্ত্ৰীৰ প্ৰতিকৃতি দাহ কৰি প্ৰতিবাদ সাৱ্যস্ত কৰে (Protest against HSLC 2023 Question paper leaked) । 

ছাত্ৰ-ছাত্ৰীৰ জীৱনক লৈ কৰি অহা হেতালি খেলা বন্ধ কৰাৰ লগতে ৰাজ্যৰ শিক্ষামন্ত্ৰীৰ পদত্যাগৰ দাবী তুলি অসম জাতীয়তাবাদী যুৱ পৰিষদৰ ধেমাজি জিলা সমিতিয়েও ধেমাজি সদৰত শিক্ষামন্ত্ৰীৰ প্ৰতিকৃতি দাহেৰে প্ৰতিবাদ সাব্যস্ত কৰে ৷ শিক্ষামন্ত্ৰীগৰাকীৰ পদত্যাগৰ দাবী তুলি প্ৰশ্ন কাকত ফাদিল কৰা দোষীক চিনাক্ত কৰি কঠোৰতম শাস্তি দিবলৈ দাবী তোলে ছাত্ৰ সংগঠনটোৱে ৷ অন্যথা গণতান্ত্ৰিক আন্দোলন গঢ়ি তোলাৰ হুংকাৰ প্ৰদান কৰে ধেমাজি জিলা জাতীয়তাবাদী যুৱ পৰিষদে (AJYCP protest against Question paper leaked) ৷