Dead Body recovered in Lakhimpur: লখিমপুৰ হাৰমতি ৰে’ল ষ্টেচনৰ সমীপত যুৱকৰ মৃতদেহ উদ্ধাৰক লৈ চাঞ্চল্য

বিহপুৰীয়া,19 আগষ্ট: লখিমপুৰ হাৰমতি ৰে’ল ষ্টেচনৰ সমীপত বিহপুৰীয়াৰ এজন যুৱকৰ মৃতদেহ উদ্ধাৰ ৷ এই ঘটনাক লৈ সৃষ্টি হৈছে চাঞ্চল্যৰ ৷ মৃত যুৱকজন বিহপুৰীয়াৰ কেঞামৰা গাঁৱৰ জয়ন্ত দাস বুলি জানিব পৰা গৈছে ৷ ঘটনা অনুসৰি জয়ন্ত দাসে শুক্ৰবাৰে সন্ধিয়া ঘৰৰ পৰা গুৱাহাটীলৈ বুলি ওলাই গৈছিল ৷ ৰে’লত গুৱাহাটীলৈ যাবলৈ ওলোৱা জয়ন্তই সন্ধিয়া উপস্থিত হৈছিল হাৰমতি ৰে’ল ষ্টেচনত ৷ 

কিন্তু ৰে’ল ষ্টেচন পোৱাৰ পাচতে জয়ন্তৰ লগত পৰিয়ালৰ লোকে কোনোধৰণৰ যোগাযোগ কৰিব পৰা নাছিল । কাৰণ ৰে’ল ষ্টেচন পোৱাৰ পিচৰে পৰা জয়ন্তৰ ফোন বন্ধ হৈ পৰিছিল ৷ তাৰ পিচত শনিবাৰে পুৱা ফোন যোগে ৰে’ল আৰক্ষীয়ে জয়ন্তৰ মৃত্যুৰ খবৰ দিছিল জয়ন্তৰ পৰিয়ালক ৷ ক্ষত-বিক্ষত জয়ন্তৰ মৃতদেহ বাসগৃহত উপস্থিত হোৱাৰ পাচতে শোকাকুল পৰিৱেশে বিৰাজ কৰে অঞ্চলটোত ৷ আনহাতে যুৱকজনক পৰিকল্পিত হত্যা কৰা বুলি স্থানীয় ৰাইজে দাবী কৰে ৷ 

লগতে পঢ়ক:Body recovered in Lakhimpur: লখিমপুৰৰ কাকৈ নৈত মৃতদেহ উদ্ধাৰ