Daylight Robbery in Manikpur: বেংক কৰ্মচাৰীক পিষ্টল দেখুৱাই দুৰ্বৃত্তই লুটি নিলে বৃহৎ পৰিমানৰ ধন

বঙাইগাঁও,25 জুলাই: মাণিকপুৰ আৰক্ষী থানাৰ অন্তৰ্গত পাটকাটাত চাঞ্চল্যকৰ ঘটনা ৷ বন্ধন বেংকৰ কৰ্মচাৰীক পিষ্টল দেখুৱাই দুৰ্বৃত্তই লুটি নিলে বৃহৎ পৰিমাণৰ ধন ৷ ঘটনা অনুসৰি মঙলবাৰে প্ৰায় পুৱা ৯ বজাত বন্ধন বেংকৰ কৰ্মচাৰী সমীন পাঠকে আত্ম সহায়ক গোটক দিয়া ঋণৰ সাপ্তাহিক কিস্তি আনিবলৈ গৈছিল । কিস্তিৰ টকা উঠাই মাণিকপুৰস্থিত বেংকলৈ আহি থাকোতে তিনি জনীয়া অস্ত্ৰধাৰী দুৰ্বৃত্তই আগুচি ধৰে সমীন পাঠকক ৷

লগে লগে পিষ্টল দেখুৱাই সমীন পাঠকৰ পৰা ১১,৫০০ টকা লৈ উধাও হয় দুৰ্বৃত্ত । কিন্তু পলায়নৰ কৰাৰ সময়তে ঘটনাস্থলীত মেগাজিন পেলাই থৈ যায় দুৰ্বৃত্তই ৷ ঘটনাস্থলীত মাণিকপুৰ আৰক্ষী উপস্থিত হৈ পৰিস্থিতিৰ বুজ লয় আৰু দুস্কৃতিকাৰীক কৰায়ত্ত কৰাৰ বাবে তদন্ত অব্যাহত ৰাখিছে ।

লগতে পঢ়ক:Police Constable Dismissed: তিনিশ টকা ঘোচ লৈ চাকৰি হেৰুৱালে কনিষ্টবল শ্বাহ আলমে