বঙাইগাঁৱৰ ডেকলীমাৰি-ধলাগাঁৱত একে নিশাই ৯ টা গৰু চুৰি

বঙাইগাঁও, ৬ নৱেম্বৰ: বঙাইগাঁও জিলাৰ ডেকলীমাৰিত গৰু চোৰৰ সন্ত্ৰাস । গৰু চোৰৰ বাবে ৰাইজে কটাবলগীয় হৈছে বিনীদ্ৰ ৰজনী । ডেকলীমাৰিত এঘৰ লোকৰ উদং কৰিলে গোহালি । চুৰিৰ পূৰ্বে স্মাৰ্ট চোৰে চি চি টিভিৰ কেমেৰা অচল কৰি চলায় এই চাফাই অভিযান । মঙলবাৰে নিশা ১-৩০ বজাত পাঁচটাকৈ গৰু চুৰি কৰি লৈ যায় চোৰে । পৰিয়লটোৰ জীৱিকাৰ একমাত্ৰ সম্বল আছিল এই গৰুকেইটা ।  

পাঁচটাকৈ গৰু হেৰুৱাই দুখত ভাঙি পৰিছে পৰিয়ালটোৰ সদস্য়সকল । একেদৰে ডেকলীমাৰি সমীপৱৰ্তী ধলাগাঁৱতো চলিল গৰু চোৰৰ অভিযান । দুটা পৰিয়ালৰ গোহালি ঘৰৰ পৰা চাৰিটাকৈ গৰু লৈ উধাও হ'ল চোৰ । একে নিশাই দুয়োখন গাঁৱত ৯ টাকৈ গৰু চুৰি হোৱাত ৰাইজৰ মাজত হাহাকাৰ লাগিছে ।

লগতে পঢ়ক:ড্ৰাগছ সৰবৰাহকাৰীৰে আৰক্ষীৰ গুলীয়াগুলীৰ ঘটনাই লৈছে নতুন মোৰ